Падзеі, факты, анонсы

Беларускі плывец Леанід Карабейнікаў з рэкордам выйграў марафонскі заплыў SulakRace

Фота Unsplash

3 кастрычніка, Мінск /Кар. БЕЛТА/. Беларускі плывец Леанід Карабейнікаў стаў пераможцам марафонскага заплыву SulakRace ў Сулакскім каньёне ў Дагестане, які з'яўляецца самым глыбокім у Еўропе, паведамляе карэспандэнт БЕЛТА.

Спартсмен з Оршы праплыў дыстанцыю працягласцю 27 км за 7 гадзін 1 мін. 28 сек. - гэта рэкорд заплыву, які праводзіўся пяты раз. Асаблівасць гэтага вельмі складанага заплыву ў тым, што на працягу 20 км плыўцам даводзілася плыць супраць цячэння ракі, што вельмі цяжка.

На дыстанцыі 11,5 км другім фінішаваў мінчанін Аляксандр Маковіч, які паказаў рэзультат 2 гадзіны 46 мін. 50 сек. Год таму ён быў пераможцам на такой дыстанцыі. На гэты раз першынстваваў Артурас Кантаўскас з Санкт-Пецярбурга. Яшчэ адзін беларускі спартсмен Дзяніс Бында з Мінска заняў трэцяе месца на дыстанцыі 3,6 км (рэзультат - 1 гадзіна 6 мін. 56 сек.). Перамог тут Сяргей Колычаў з Самары.

SulakRace ўваходзіць у марафонскую серыю Grand Swim Series разам з заплывамі на Байкале (35 км), Ісык-Кулі (45 км), Балхашы (38 км), у Балтыйскім моры паблізу Куршскай касы (35 км) і іншымі. Глыбіня Сулакскага каньёна дасягае 1920 м, гэта на 63 м глыбей за Гранд-каньён у ЗША і возера Байкал, максімальная глыбіня якога 1642 м.

версія для друку

зрабіць стартавай

дабавіць у выбранае