Падзеі, факты, анонсы

Беларускі барэц Хаслаханаў узяў бронзу на чэмпіянаце Еўропы

Абубакар Хаслаханаў. Фота з архiва

15 лютага, Мінск /Кар. БЕЛТА/. У сталіцы Румыніі Бухарэсце прадаўжаецца чэмпіянат Еўропы па барацьбе, удзел у якім у нейтральным статусе прымаюць беларускія спартсмены, паведамляе карэспандэнт БЕЛТА.

У сераду выступленні на турніры завяршылі прадстаўнікі грэка-рымскага стылю, разыграўшы пяць камплектаў узнагарод. Адзін з медалёў дня пайшоў у беларускую скарбонку - на трэцюю прыступку п’едэстала ў катэгорыі да 97 кг падняўся Абубакар Хаслаханаў. Напярэдадні наш спартсмен выбіў з сеткі Аляксандра Сцепанеціча са Швецыі і немца Антона Вівега, але ў паўфінале ўступіў армяніну Артуру Алексаняну, прайшоўшы тым самым у паядынак за бронзу. Учора сапернікам Хаслаханава стаў Бейтула Кайыздаг з Турцыі, прадстаўнік Беларусі пацвердзіў статус фаварыта, перамогшы з лікам 8:0.

У мінулым годзе Абубакар атрымаў вікторыю на юніёрскім чэмпіянаце свету, а таксама ўзяў золата на II Гульнях краін СНД. На дарослым планетарным форуме беларускі барэц заняў пятае месца і заваяваў ліцэнзію на Алімпійскія гульні ў Парыжы. Гэты медаль Хаслаханава стаў для нашай дэлегацыі ў Бухарэсце другім, напярэдадні бронзавым прызёрам турніру ў вагавой катэгорыі да 87 кг у грэка-рымлян стаў Кірыл Маскевіч.

15 лютага на кантынентальным форуме папярэднія паядынкі ў жаночай барацьбе правядуць пяць беларускіх спартсменак. Раніцай на румынскі дыван выйдуць алімпійскія медалісткі Токіа Ванэса Каладзінская (в/к да 53 кг) і Ірына Курачкіна (да 57 кг), таксама выступяць Вераніка Іванова (да 62 кг), Таццяна Паўлава (да 65 кг) і Вікторыя Радзькова (да 72 кг). Акрамя таго, у вячэрняй праграме схватку за бронзу ў вагавой катэгорыі да 59 кг правядзе наша Алеся Гетманава. Усяго чэмпіянат Еўропы ў Бухарэсце сабраў больш як 500 спартсменаў з 38 краін.

версія для друку

зрабіць стартавай

дабавіць у выбранае