Падзеі, факты, анонсы

Беларус Міхаіл Якімовіч выйграў золата маладзёжнага Кубка свету па муай-тай

Міхаіл Якімовіч з трэнерам. Фота з архіва

5 кастрычніка, Мінск /Кар. БЕЛТА/. У Турцыі прадаўжаюцца першынство свету сярод юніёраў і маладзёжны Кубак свету па тайскім боксе з удзелам беларускіх спартсменаў. Аб гэтым паведамілі БЕЛТА ў прэс-службе Міністэрства спорту і турызму.

Першае золата маладзёжнага Кубка свету беларускай камандзе прынёс чэмпіён II Гульняў краін СНД Міхаіл Якімовіч, які выступае ў вагавой катэгорыі да 63,5 кг. У першым раўндзе наш спартсмен быў мацнейшы за Алі Махамадзі з каманды бежанцаў, у чвэрцьфінале Якімовіч перамог Рустама Аменжанава з Казахстана, у паўфінале - француза Стэфана Гранжана, а ў вырашальным паядынку беларус справіўся з украінцам Валерыем Дзянісавым.

Раней бронзу маладзёжнага Кубка свету ў вагавой катэгорыі да 71 кг выйграў наш Сямён Ступакевіч, таксама бронзавымі прызёрамі першынства планеты сярод атлетаў не старэйшых за 16 гадоў сталі беларускі Аліна Сазановіч і Анфіса Хількевіч. Усяго ўдзел у спаборніцтвах у Турцыі прымаюць больш за тысячу спартсменаў ва ўзросце ад 10 да 23 гадоў. Юніёрскае першынство свету і маладзёжны Кубак свету завершацца 7 кастрычніка.

версія для друку

зрабіць стартавай

дабавіць у выбранае