Падзеі, факты, анонсы

Азаранка прабілася ў 1/4 фіналу турніру WTA-500 у Брысбене

Фота з архiва

4 студзеня, Мінск /Кар. БЕЛТА/. Беларуская тэнісістка Вікторыя Азаранка (23-і нумар сусветнага рэйтынгу) стала чвэрцьфіналісткай турніру WTA-500 у аўстралійскім Брысбене з прызавым фондам $1,7 млн, паведамляе карэспандэнт БЕЛТА.

Мінулай ноччу беларуска за паўтары гадзіны перамагла францужанку Клару Бюрэль (56) - 7:5, 6:2. У гульні 1/16 фіналу Вікторыя Азаранка таксама ў двух сэтах перамагла расіянку Ганну Калінскую (80) - 6:1, 7:6 (10:8).

Пазней другая ракетка планеты Арына Сабаленка ў матчы за выхад у чвэрцьфінал згуляе з кітаянкай Чжу Лін (33). У 1/16 фіналу Сабаленка разграміла італьянку Лючыю Бранцэці (52) - 6:3, 6:0.

Беларус Ягор Герасімаў (366) прабіўся ў чвэрцьфінал мужчынскага турніру ў партугальскім Аэйрашы з прызавым фондам 36,9 тыс. еўра. У другім раўндзе беларускі тэнісіст перамог у трохсэтавым паядынку француза Маціяса Бурка (278) - 6:4, 2:6, 6:4. Сустрэча доўжылася 2 гадзіны 5 мінут. На старце беларус выйграў у партугальца Ціяга Перэйру (742) - 7:6 (7:5), 6:1.

версія для друку

зрабіць стартавай

дабавіць у выбранае