Падзеі, факты, анонсы
Арына Сабаленка завяршае год на другой пазіцыі рэйтынгу WTA
27 снежня, Мінск /Кар. БЕЛТА/. Беларуская тэнісістка Арына Сабаленка завяршае 2021 год у рангу другой ракеткі планеты, паведамляе карэспандэнт БЕЛТА.
У апублікаваным сёння апошнім у адыходзячым годзе рэйтынгу Жаночай тэніснай асацыяцыі 23-гадовая беларуска займае 2-е месца, маючы ў сваім актыве 6380 ачкоў. У гэтым сезоне Арына Сабаленка стала пераможцай двух турніраў пад эгідай WTA, яна выйграла 45 паядынкаў і прайграла 18 сустрэч. Усяго ў яе прафесійнай кар'еры дзесяць тытулаў. Экс-першая ракетка свету Вікторыя Азаранка завяршае год на 27-й пазіцыі, у яе 2166 рэйтынгавых балаў. Аляксандра Сасновіч знаходзіцца на 107-м месцы (755 ачкоў), Вольга Гаварцова займае 139-ю пазіцыю (564), у Юліі Гатоўка 190-е месца (361).
Топ-10 рэйтынгу WTA:
1. Эшлі Барці (Аўстралія) - 7582 ачкі;
2. Арына Сабаленка (Беларусь) - 6380;
3. Гарбінье Мугуруса (Іспанія) - 5685;
4. Караліна Плішкава (Чэхія) - 5135;
5. Барбара Крэйчыкава (Чэхія) - 5008;
6. Марыя Сакары (Грэцыя) - 4385;
7. Анет Кантавейт (Эстонія) - 4351;
8. Паўла Бадоса (Іспанія) - 3849;
9. Іга Свёнтак (Польшча) - 3786;
10. Унс Джабі (Туніс) - 3455;
У рэйтынгу Асацыяцыі тэнісістаў-прафесіяналаў (АТР) лепшы з беларусаў Ілья Івашка займае 48-е месца (1194), у Ягора Герасімава 113-я пазіцыя (665).
Першая дзясятка рэйтынгу АТР:
1. Новак Джокавіч (Сербія) - 11 540 ачкоў;
2. Данііл Мядзведзеў (Расія) - 8640;
3. Аляксандр Звераў (Германія) - 7840;
4. Стэфанас Цыцыпас (Грэцыя) - 6540;
5. Андрэй Рублёў (Расія) - 5150;
6. Рафаэль Надаль (Іспанія) - 4875;
7. Матэа Берэціні (Італія) - 4568;
8. Каспер Рууд (Нарвегія) - 4160;
9. Хуберт Гуркач (Польшча) - 3706;
10. Янік Сінер (Італія) - 3350.
Першы ў новым сезоне турнір серыі "Вялікага шлема" - адкрыты чэмпіянат Аўстраліі пройдзе з 17 па 30 студзеня 2022 года на адкрытых кортах "Мельбурн-Парка". Да гэтага, у пачатку студзеня, вядучыя тэнісісты планеты выступяць на некалькіх турнірах у розных аўстралійскіх гарадах.
версія для друку
зрабіць стартавай
дабавіць у выбранае