Падзеі, факты, анонсы

Арына Сабаленка засталася на 5-м месцы, Іга Свёнтак упершыню стала першай ракеткай планеты

4 красавіка, Мінск /Кар. БЕЛТА/. Беларуска Арына Сабаленка засталася на пятай пазіцыі ў абноўленым сёння рэйтынгу Жаночай тэніснай асацыяцыі (WTA), паведамляе карэспандэнт БЕЛТА.

На турніры катэгорыі WTA-1000 у амерыканскім Маямі лепшая беларуская тэнісістка выбыла з барацьбы пасля паражэння ў сваім стартавым паядынку, але захавала за сабой 5-е месца ў сусветным рэйтынгу. Цяпер у яе актыве 4657 ачкоў. Вікторыя Азаранка, якая таксама няўдала згуляла ў Фларыдзе, знаходзіцца на 17-м радку (2281 бал). Яшчэ адна беларуска Аляксандра Сасновіч, якая ў Маямі дабралася да 1/8 фіналу, паднялася на 9 пазіцый і цяпер займае 51-е месца (1123). Пераможца гэтага турніру польская тэнісістка Іга Свёнтэк упершыню ў кар'еры ўзначаліла сусветны рэйтынг. 

Першая дзясятка рэйтынгу WTA:

1. Іга Свёнтэк (Польшча) - 6711 ачкоў;
2. Барбара Крэйчыкава (Чэхія) - 4975;
3. Паўла Бадоса (Іспанія) - 4970;
4. Марыя Сакары (Грэцыя) - 4705;
5. Арына Сабаленка (Беларусь) - 4657;
6. Анет Кантавейт (Эстонія) - 4511;
7. Караліна Плішкава (Чэхія) - 4197;
8. Даніэль Колінз (ЗША) - 3151;
9. Гарбінье Мугуруса (Іспанія) - 3070;
10. Унс Джабір (Туніс) - 2975.

Рэйтынг Асацыяцыі тэнісістаў-прафесіяналаў па-ранейшаму ўзначальвае серб Новак Джокавіч, на другой пазіцыі расіянін Данііл Мядзведзеў. Лепшы з беларускіх тэнісістаў Ілья Івашка займае 42-е месца (1134), яшчэ адзін беларус Ягор Герасімаў займае 152-ю пазіцыю (412).

Топ-10 рэйтынгу АТР:

1. Новак Джокавіч (Сербія) - 8420 ачкоў;
2. Данііл Мядзведзеў (Расія) - 8410;
3. Аляксандр Звераў (Германія) - 7195;
4. Рафаэль Надаль (Іспанія) - 7115;
5. Стэфанас Цыцыпас (Грэцыя) - 5980;
6. Матэа Берэціні (Італія) - 4945; 
7. Каспер Рууд (Нарвегія) - 4380;
8. Андрэй Рублёў (Расія) - 4375;
9. Фелікс Ажэ-Альясім (Канада) - 3625; 
10. Кэмеран Норы (Вялікабрытанія) - 3440.

версія для друку

зрабіць стартавай

дабавіць у выбранае