Падзеі, факты, анонсы

Аляксандра Сасновіч выйшла ў 1/4 фіналу тэніснага турніру ў Санкт-Пецярбургу

Аляксандра Сасновіч. Фота sb.by

10 лютага, Мінск /Кар. БЕЛТА/. Беларуская тэнісістка Аляксандра Сасновіч (71-ы нумар сусветнага рэйтынгу) атрымала другую перамогу на турніры катэгорыі WTA-500 у Санкт-Пецярбургу з прызавым фондам $703 тыс., паведамляе карэспандэнт БЕЛТА.

Сёння ў паядынку за выхад у чвэрцьфінал адзіночнага разраду беларуска перамагла ў дзвюх партыях румынскую тэнісістку Жаклін Крысціян (58) - 6:2, 6:3. Гульня доўжылася крыху больш за гадзіну. Наступнай саперніцай Аляксандры Сасновіч будзе пераможца сустрэчы паміж латвійскай тэнісісткай Аленай Астапенка (25) і прадстаўніцай Германіі Андрэа Петкавіч (65). У 1/16 фіналу Сасновіч перамагла ў трохсэтавым матчы польскую тэнісістку Магду Лінет (45) - 7:5, 4:6, 6:4.

У першым раўндзе парнага разраду гэтых спаборніцтваў беларуска Лідзія Марозава і амерыканка Кейтлін Крысціян уступілі ў дзвюх партыях славацка-нарвежскаму тандэму Вікторыя Кужмава / Ульрыке Эйкеры - 6:7 (4:7), 4:6.

Спаборніцтвы ў Санкт-Пецярбургу фінішуюць 13 лютага.

версія для друку

зрабіць стартавай

дабавіць у выбранае