Сямейны экіпаж – Таццяна і Павел Богданы

Жыхары аграгарадка Таркачы (Дзятлаўскі раён, Гродзенская вобласць) Таццяна і Павел Богданы – разам нават… на камбайне. Шэсць гадоў таму Павел як адзін з лепшых механізатараў ААТ "Граніт-Агра" атрымаў новы КЗС-1218 "Палессе GS12", на якім ужо чацвёрты сезон працуе з жонкай Таццянай. Гэтым летам за добрую працу сямейны экіпаж атрымаў прыемны бонус: старшыня абласной арганізацыі прафсаюза банкаўскіх і фінансавых работнікаў Аксана Дзесятнічэнка ўручыла камбайнерам пуцёўку на 12 дзён у санаторый з поўным комплексам медыцынскіх паслуг.