Адно з самых галоўных свят царкоўнага календара адзначылі 7 студзеня праваслаўныя вернікі Беларусі і ўсяго свету – Нараджэнне Хрыстова. Ужо напярэдадні прыхаджане сабраліся ў храмах, каб запаліць свечкі, сказаць запаветныя словы малітвы і, вядома, абмяняцца самымі шчырымі і цёплымі пажаданнямі… Роўна апоўначы ва ўсіх святынях краіны пачалася першая калядная літургія, пасля якой завяршыўся 40-дзённы пост. Галоўнае богаслужэнне ў мінскім Свята-Духавым кафедральным саборы ўзначаліў Мітрапаліт Мінскі і Заслаўскі Павел, Патрыяршы Экзарх усяе Беларусі.