Галоўныя навіны

"Задача нумар адзін". Лукашэнка патрабуе шырэй выкарыстоўваць насенне айчыннай селекцыі

1 жніўня, Камянецкі раён /Кар. БЕЛТА/. Прэзідэнт Беларусі Аляксандр Лукашэнка патрабуе шырэй выкарыстоўваць айчыннае насенне пры вырошчванні сельгаскультур. Аб гэтым ён заявіў у ходзе рабочай паездкі ў Камянецкі раён, перадае карэспандэнт БЕЛТА.

Глабальнае даручэнне ад Аляксандра Лукашэнкі - замяшчэнне імпартных сартоў айчыннымі. На гэтым пытанні ён акцэнтаваў увагу пры аглядзе рапсавага поля.

"Задача нумар адзін: каб гэта было ў нас", - падкрэсліў Прэзідэнт. Забяспечанасць уласным насеннем - гэта не толькі імпартазамяшчэнне, але і пытанне харчовай бяспекі.

Пры гэтым важна забяспечыць і якасць насення, яго адпаведнасць высокім запатрабаванням. "Каб мы не пераконвалі кіраўніка (той ці іншай гаспадаркі выкарыстоўваць айчыннае насенне. - Заўвага БЕЛТА). Ён гэта сам павінен бачыць", - сказаў кіраўнік дзяржавы.

Гэту тэму Аляксандр Лукашэнка закрануў і пры сустрэчы з жыхарамі аграгарадка Белавежскі. "Мы дамовіліся аб тым, што навука наша павінна папрацаваць сур'ёзна і селекцыянеры. Вы высяваеце нямала сартоў замежнай вытворчасці - насенне. У Германіі бераце і гэтак далей. Хацелася б, каб гэта было ў нас. Ну, 15 працэнтаў, магчыма, 20 працэнтаў і трэба купляць, каб параўноўваць і бачыць розніцу. Гэта трэба рабіць. Але не больш. Таму мы з навукай крыху разбяромся і падцягнем", - адзначыў беларускі лідар.

Ён таксама звярнуў увагу на ўнясенне арганічных угнаенняў. У ААТ "Белавежскае" ў гэтым пытанні наладжана ўся тэхналогія. "Вы ўносіце ўсё пад азімы клін восенню. Гэта выдатна. Нам яшчэ ў гэтым напрамку трэба шмат працаваць. Вось так па крупінках, наведваючы раёны, гаспадаркі, я збіраю перспектыўныя напрамкі развіцця нашай вёскі. Але база ў нас добрая, ёсць на чым грунтаваць нашы поспехі", - падкрэсліў Прэзідэнт.

Як паведамлялася БЕЛТА, у ходзе рабочай паездкі ў Камянецкі раён Прэзідэнт таксама даў даручэнне па паўночных раёнах краіны, гэта перш за ўсё датычыцца Віцебскай вобласці, каб там з улікам кліматычных асаблівасцей высейвалі больш ранніх культур. Размова пра азімыя ячмень, рапс і шэраг іншых. Гэта дае магчымасць летам у больш раннія тэрміны завяршыць уборку ўраджаю з палёў і падрыхтаваць глебу пад сяўбу азімых.

версія для друку

зрабіць стартавай

дабавіць у выбранае