Галоўныя навіны

Пытанні дзейнасці Беларускага таварыства паляўнічых і рыбаловаў сталі тэмай даклада ў Лукашэнкі

13 лістапада, Мінск /Кар. БЕЛТА/. Прэзідэнт Беларусі Аляксандр Лукашэнка заслухаў даклад па пытаннях дзейнасці Беларускага таварыства паляўнічых і рыбаловаў, перадае карэспандэнт БЕЛТА.

На мерапрыемства да кіраўніка дзяржавы былі запрошаныя старшыня дзяржаўнага грамадскага аб'яднання Ігар Шуневіч і віцэ-прэм'ер Леанід Заяц.

Звяртаючыся да Ігара Шуневіча, кіраўнік дзяржавы сказаў: "Наколькі я разумею, вы ініцыявалі гэту размову ў сувязі з тым, што прынятае рашэнне ва ўрадзе не зусім тое, што хацела б грамадства".

Кіраўнік дзяржавы адзначыў, што ўсе гэтыя пытанні будуць разгледжаны на дзяржаўным узроўні без якога-небудзь ведамаснага падыходу. "Вы ж разумееце, ёсць дзяржаўныя інтарэсы, асабістыя, інтарэсы грамадства. Але трэба зрабіць разумна - так, як гэта лепш для дзяржавы і для людзей, якія ў нас сёння знаходзяцца ў нашай арганізацыі", - сказаў беларускі лідар.

У прадстаўленым Прэзідэнту пераліку пытанняў ёсць тэма, якая датычыцца вытворчасці боепрыпасаў для гладкаствольнай зброі. "Нічога тут дрэннага я не бачу. Давайце падумаем, як гэта лепш зрабіць", - заявіў кіраўнік дзяржавы.

На парадку дня таксама пытанне карэкціроўкі заканадаўства па абароце зброі і боепрыпасаў. "Таксама можам разгледзець гэта пытанне", - адзначыў Прэзідэнт.

Адна з тэм для абмеркавання датычыцца рэгулявання колькасці жывёл і птушак, занесеных у Чырвоную кнігу Беларусі. "Пытанне супердзяржаўнае, вельмі важнае для іміджу нашай краіны ў тым ліку", - заўважыў кіраўнік дзяржавы.

Асобнае пытанне датычыцца статута грамадскага аб'яднання. "Што там такое, аб чым не дамовіліся ва ўрадзе?" - пацікавіўся Прэзідэнт.

Ён таксама выказаў гатоўнасць абмеркаваць і шэраг іншых пытанняў, якія будуць на карысць дзяржавы: "Накшталт таго, што недзе там у Мінску, наколькі я памятаю, вы прэтэндуеце на нейкі асобны будынак, і да гэтага часу пытанне нібыта не вырашана. І шэраг праблем, якія трэба вырашаць, і яны застопарыліся на ўзроўні службовых асоб органаў улады да Прэзідэнта".

версія для друку

зрабіць стартавай

дабавіць у выбранае