Галоўныя навіны

Лукашэнка расказаў аб умовах захоўвання і выкарыстання расійскай ядзернай зброі ў Беларусі

14 чэрвеня, Мінск /Кар. БЕЛТА/. Прэзідэнт Беларусі Аляксандр Лукашэнка 13 чэрвеня ў інтэрв'ю тэлеканалу "Расія 1" расказаў аб умовах захоўвання і выкарыстання расійскай ядзернай зброі ў Беларусі, паведамляе БЕЛТА.

Кіраўнік дзяржавы расказаў, што гэта не Расія імкнецца размясціць свае ядзерныя ракеты ў Беларусі, а Беларусь спачатку прасіла аб гэтым, а потым стала патрабаваць вярнуць зброю, якая калісьці тут знаходзілася.

"Я не проста яго прасіў, я патрабаваў ужо: "Вярні мне ядзерную зброю". Не трэба стратэгічную. Яна мне навошта? З Амерыкай я ж не збіраюся ваяваць. Тактычнай дастаткова. Так, мы дамовіліся. Мы выконваем гэта, - адзначыў Аляксандр Лукашэнка. - Мэтай мы былі заўсёды. Нас парваць на кавалкі з 2020 года хацелі. Супраць ядзернай краіны, краіны, якая валодае ядзернай зброяй, ніхто яшчэ не ваяваў".

"Як толькі ўсё завязём, яна будзе разгрупавана па Беларусі. У нас жа сховішчаў гэтых, як сабак у вёсцы. Сур'ёзна. У нас іх было шмат. Мы іх ужо пяць-шэсць аднавілі. Будзем больш аднаўляць. І мы разгрупуем. Мы не будзем жа трымаць у адным месцы", - дадаў Прэзідэнт.

"Вось часта чую: "А, вось гэта расійская зброя. Без Расіі ён не прыменіць". Слухайце, калі пачнецца вайна, я што, буду глядзець па баках? Ды не. Зняў трубку, дзе б ён ні быў. Ён патэлефанаваў - я зняў трубку ў любы момант. Нават вось цяпер. Таму што тут за праблема - узгадніць нанясенне нейкага там удару. Гэта не пытанне. Тут спрачацца нават няма чаго. Тут мы ўжо дамовіліся. Няхай ворагі, Вольга, дрыжаць", - рэзюмаваў кіраўнік дзяржавы.

версія для друку

зрабіць стартавай

дабавіць у выбранае