Галоўныя навіны

Лукашэнка: Беларусь і Іран павінны больш цесна працаваць адзін з адным, каб процістаяць выпадам Захаду

17 кастрычніка, Мінск /Кар. БЕЛТА/. Беларусь і Іран павінны больш цесна працаваць адзін з адным, каб процістаяць выпадам Захаду. Аб гэтым Прэзідэнт Беларусі Аляксандр Лукашэнка заявіў 17 кастрычніка на сустрэчы з першым віцэ-прэзідэнтам Ірана Махамадам Махберам, перадае карэспандэнт БЕЛТА.

"Спадзяюся, вы не будзеце расчараваны сваім візітам. Пытанняў шмат, ёсць аб чым пагаварыць. Таму я таксама спадзяюся, што наша размова будзе мець добры практычны вынік, - прывітаў іранскага госця кіраўнік дзяржавы. - Вы ведаеце сітуацыю, у якой знаходзіцца Беларусь. Гэта прыкладна тая ж сітуацыя, у якой знаходзіцеся і вы. Націск, што аказваецца на нашы дзяржавы, беспрэцэдэнтны, але вы ўжо навучыліся ў нейкай ступені гэтаму процістаяць, і ваш вопыт для нас вельмі важны. Што мяне пастаянна здзіўляе - што ў ходзе гэтых маштабных акцый за гэты перыяд Іран ніколькі не знізіў свой узровень развіцця, а, наадварот, значна, прыбавіў".

У сакавіку 2023 года Аляксандр Лукашэнка наведаў з афіцыйным візітам Іран. Тады прэзідэнты дамовіліся выпрацаваць план дзеянняў на бліжэйшую перспектыву, каб тавараабарот паміж краінамі і супрацоўніцтва ў цэлым развівалася больш паспяхова. Аляксандр Лукашэнка і Прэзідэнт Ірана Эбрахім Раісі па выніках перагавораў падпісалі дарожную карту ўсебаковага супрацоўніцтва паміж краінамі на 2023-2026 гады.

"Самае важнае і галоўнае. Зыходзячы з вопыту адносін з Іранам, зыходзячы з многіх гадоў супрацоўніцтва з Іранам, я раблю вывад, што вашай і нашай бюракратыі трэба навучыцца вельмі аператыўна працаваць. Калі мы аб нечым дамовіліся, гэта павінна быць выканана ў тэрмін. Самае галоўнае для нас - гэта не санкцыі і націск, а час. І час гэты страціць у выніку бюракратычных перашкод ні ў якім разе нельга", - падкрэсліў беларускі лідар.

Аляксандр Лукашэнка заўважыў, што абстаноўка ў свеце абвастраецца, а крызіс на Блізкім Усходзе садзейнічае таму, што недружалюбныя заходнія краіны на чале са Злучанымі Штатамі Амерыкі пастаянна накіроўваюць вастрыё гэтага канфлікту супраць Ірана. "Вы гэта адчуваеце лепш. Наш адказ адзін: мы павінны больш цесна працаваць адзін з адным, разам супрацоўнічаць, каб процістаяць гэтым выпадам", - заявіў Прэзідэнт.

У 2022 годзе беларуска-іранскі тавараабарот перасягнуў $100 млн, што ў тры разы больш за ўзровень 2021 года. У гэтым годзе дынаміка таксама дадатная. За студзень-жнівень краіны нагандлявалі на $62,5 млн, што на 26 працэнтаў вышэй за мінулагоднія паказчыкі. Беларускі экспарт расце з кожным годам. Краіна пастаўляе ў Іран калійныя ўгнаенні, лесаматэрыялы, цэлюлозу, сінтэтычныя валокны. Імпартуюцца агародніна, фрукты і арэхі, вакцыны, сывараткі з крыві, кроў.

версія для друку

зрабіць стартавай

дабавіць у выбранае