Галоўныя навіны

Лукашэнка анансаваў сур’ёзную і прынцыповую размову на маючым адбыцца пасяджэнні Вышэйшага дзяржсавета

22 студзеня, Мінск /Кар. БЕЛТА/. Падрыхтоўка да правядзення чарговага пасяджэння Вышэйшага дзяржаўнага савета Саюзнай дзяржавы абмеркавана на сустрэчы Прэзідэнта Беларусі і старшыні ВДС Аляксандра Лукашэнкі з дзяржаўным сакратаром Саюзнай дзяржавы Дзмітрыем Мезенцавым, перадае карэспандэнт БЕЛТА.

"Пасяджэнне ВДС (вышэйшы орган нашай Саюзнай дзяржавы) - парадак дня прыкладны ёсць, скажам так. Ніхто нікому не забараняе ўносіць прапановы і змяненні аж да разгляду і зацвярджэння яго ў тым ліку на пасяджэнні ВДС. Прыярытэтнае пытанне - выкананне саюзных праграм, - сказаў кіраўнік дзяржавы. - Мы заўсёды канстатавалі, што мы тут нядрэнна працуем. Размова будзе сур'ёзная, прынцыповая".

Аляксандр Лукашэнка таксама расказаў, што напярэдадні пасяджэння ВДС плануецца правесці перагаворы з Прэзідэнтам Расіі Уладзімірам Пуціным у фармаце сам-насам. "Абмяркуем прынцыповыя пытанні. Калі будуць нейкія дапаўненні да таго парадку дня, які прапанаваны, мы непасрэдна на пасяджэнні Вышэйшага дзяржсавета ўнясём такія прапановы", - заявіў беларускі лідар.

Ён папрасіў Дзмітрыя Мезенцава далажыць, наколькі Пастаянны камітэт Саюзнай дзяржавы гатовы да правядзення мерапрыемства: "Як праводзіць будзем, якія асаблівасці? Можа, трэба прымаць якія-небудзь рашэнні, цяжкасці, складанасці? У гэтым плане што ў нас?"

версія для друку

зрабіць стартавай

дабавіць у выбранае