У Кітай за 6 гадзін: "Белавія" адкрыла новы напрамак Мінск-Урумчы

У Нацыянальным аэрапорце Мінск 16 снежня 2024 г. адбылося ўрачыстае адкрыццё рэгулярнага рэйса авіякампаніі "Белавія" Мінск – Урумчы – Мінск. У прэс-мерапрыемстве, прысвечаным старту палётаў, прынялі ўдзел кіраўнікі "Белавія", Дэпартамента па авіяцыі Міністэрства транспарту і камунікацый, Нацыянальнага аэрапорта Мінск, Асацыяцыі кітайскіх кампаній у Беларусі і іншыя. Урумчы – гандлёва-эканамічны і культурны цэнтр паўночнага захаду Кітая і сталіца Сіньцзян-Уйгурскага аўтаномнага раёна. Знаходзіцца на скрыжаванні важных транспартных шляхоў, уключаючы сучасны маршрут ініцыятвы "Адзін пояс, адзін шлях", што робіць яго ключавым транспартным вузлом у зносінах паміж Кітаем, Цэнтральнай Азіяй, Расіяй і Еўропай.