Год народнага адзінства

Больш за 34 працэнты беларусаў лічаць, што ўстанаўленне Дня народнага адзінства нацэлена на аб'яднанне нацыі

Фота з архiва

16 снежня, Мінск /Кар. БЕЛТА/. Больш за 34 працэнты беларусаў лічаць, што ўстанаўленне Дня народнага адзінства нацэлена на аб'яднанне нацыі. Такія даныя сацыялагічнага даследавання "Беларусь: меркаванне пра будучыню" прывёў журналістам кіраўнік Аналітычнага цэнтра EcooM Сяргей Мусіенка, перадае карэспандэнт БЕЛТА.

Рэспандэнтам прапаноўвалася адказаць на пытанне, што значыць для іх устанаўленне і святкаванне Дня народнага адзінства (17 верасня).

У цэлым па рэспубліцы меркаванні размеркаваліся наступным чынам: незалежна ад нацыянальнасці і веравызнання аб'яднаннем беларусаў свята лічаць 34,4 працэнта, умацаваннем незалежнасці і суверэнітэту Беларусі - 24,5 працэнта, усталяваннем гістарычнай справядлівасці - 17,5 працэнта.

Звяртае на сябе ўвагу сугучнасць ацэнак грамадзян адносна новага свята незалежна ад іх месца пражывання і ўзросту.

Не мае значэння - так адказалі 28,2 працэнта. Іншае - 1,1 працэнта. Няма адказу - 1,7 працэнта.

У рамках сацыялагічнага забеспячэння рэспубліканскага рэферэндуму з 15 лістапада па 4 снежня 2021 года сацыялагічны кансорцыум ДНУ "Інстытут сацыялогіі НАН Беларусі" сумесна з Аналітычным цэнтрам EcooM правёў маштабнае сацыялагічнае даследаванне "Беларусь. Меркаванне пра будучыню". У апытанні прынялі ўдзел 10217 рэспандэнтаў. Генеральная сукупнасць - эканамічна занятае насельніцтва. Выбарка - шматступеньчатая, стратыфікаваная (па рэгіёне пражывання і тыпе населенага пункта), з кантролем квот полу і ўзросту. Даследаваннем ахоплены ўсе вобласці Беларусі, Мінск, 52 раёны (з улікам 9 раёнаў сталіцы), амаль 350 арганізацый і прадпрыемстваў розных сфер і форм уласнасці.

Варта адзначыць высокую цікавасць грамадзян да анкетавання, большасць з якіх станоўча ўспрынялі цікавасць сацыёлагаў да іх пазіцыі і ацэнак. Апытанне ўспрынята як магчымасць данесці сваё меркаванне пра бягучыя працэсы, хвалюючыя людзей праблемы і будучыню краіны. Грамадзяне выказвалі пажаданні больш частага правядзення такіх сацыялагічных даследаванняў. У ходзе жывога абмеркавання з інтэрв'юерамі рэспандэнты ўздымалі пытанні водазабеспячэння, будаўніцтва аб'ектаў сацыяльнай інфраструктуры і для правядзення вольнага часу, якасці і даступнасці медыцынскага абслугоўвання і іншыя. Усе паступіўшыя заўвагі пачуты і пастаўлены на кантроль мясцовай выканаўчай уладай.

версія для друку

зрабіць стартавай

дабавіць у выбранае