Год гістарычнай памяці

Цярэнцьеў на сустрэчы з беларускай дыяспарай у Егіпце: узаемадзеянне ў Год гістарычнай памяці асабліва важна

27 красавіка, Мінск /Кар. БЕЛТА/. Сустрэча з прадстаўнікамі беларускай дыяспары, якія пражываюць у сталічным рэгіёне Егіпта, адбылася ў пасольстве Беларусі ў Каіры. Аб гэтым карэспандэнту БЕЛТА расказалі ў беларускай загранустанове ў Егіпце.

Мерапрыемства было прысвечана 30-годдзю ўстанаўлення дыпламатычных адносін паміж Рэспублікай Беларусь i Арабскай Рэспублікай Егіпет. Перад прысутнымі з прывітальным Надзвычайны і Паўнамоцны Пасол Рэспублікі Беларусь у Егіпце Сяргей Цярэнцьеў. Грамадзяне Беларусі і члены іх сем'яў былі праінфармаваны аб выніках і перспектывах беларуска-егіпецкага супрацоўніцтва, узроўні палітычных адносін паміж краінамі.

Асаблівая ўвага была звернута на важнасць актыўнага ўзаемадзеяння беларусаў Егіпта ў рамках Года гістарычнай памяці. Прайшоў абмен думкамі, абмеркаваны актуальныя пытанні жыццядзейнасці суайчыннікаў у Егіпце, роля і месца пасольства ў забеспячэнні абароны правоў і інтарэсаў беларускіх грамадзян, далейшыя сумесныя крокі па развіцці дыяспары.

Акрамя таго, адбылася прэзентацыя прадукцыі СП "Беліта". Было таксама расказана аб адкрытым у Каіры беларуска-егіпецкім шпіталі.

версія для друку

зрабіць стартавай

дабавіць у выбранае