Год гістарычнай памяці

Лукашэнка ўдзельнікам парламенцкай канферэнцыі: мы захаваем гераічную мінуўшчыну і не дазволім забраць у нас Перамогу

Фота з архiва

15 чэрвеня, Мінск /Кар. БЕЛТА/. Прэзідэнт Беларусі Аляксандр Лукашэнка накіраваў прывітанне ўдзельнікам міжнароднай парламенцкай канферэнцыі "Гістарычная памяць: Вялікая Перамога, здабытая адзінствам". Аб гэтым БЕЛТА паведамілі ў прэс-службе кіраўніка дзяржавы.

"Мы, наследнікі пераможцаў - азербайджанцы і малдаване, беларусы і грузіны, армяне і казахі, украінцы і кіргізы, рускія і ўзбекі, таджыкі і туркмены, прадстаўнікі ўсіх нацыянальнасцей некалі адзінай краіны, адстаялі ў Вялікай Айчыннай вайне права на жыццё, свабоду і чалавечую годнасць, - гаворыцца ў прывітанні. - Сёння, калі ў многіх заходніх краінах наша Перамога аб'яўлена па-за законам, масава разбураюцца помнікі вызваліцелям, героямі абвяшчаюцца забойцы і каты, мы бяром на сябе абавязацельства абараняць гістарычную памяць аб самаадданай барацьбе савецкага народа з германскімі нацыстамі, якая забрала жыцці мільёнаў нашых суайчыннікаў".

Кіраўнік дзяржавы падкрэсліў, што для беларусаў, якія страцілі ў той вайне кожнага трэцяга жыхара, усенародны подзвіг з'яўляецца неад'емнай часткай нацыянальнай ідэі: "Мы першыя на постсавецкай прасторы замацавалі палажэнні аб недапушчальнасці яго фальсіфікацыі ў Канстытуцыі краіны".

"Упэўнены, што разам мы захаваем агульную гістарычную мінуўшчыну, не дазволім забраць у нас Перамогу, здабытую адзінствам, бяспрыкладнай мужнасцю і крывёй салдат, партызан, падпольшчыкаў і многіх простых людзей, перададзім праўду будучым пакаленням", - канстатаваў Аляксандр Лукашэнка.

Прэзідэнт пажадаў усім удзельнікам канферэнцыі плённай працы, здароўя, міру і дабра.

версія для друку

зрабіць стартавай

дабавіць у выбранае