Год гістарычнай памяці

Фестываль народнай творчасці "Беларусь родная, музычная, народная" стартуе ў Магілёве 14 красавіка

12 красавіка, Магілёў /Кар. БЕЛТА/. У Магілёве 14 красавіка стартуе фестываль народнай творчасці "Беларусь родная, музычная, народная", прымеркаваны да Года гістарычнай памяці. Ён пройдзе на базе Магілёўскага абласнога метадычнага цэнтра народнай творчасці і культурна-асветнай работы, паведамілі БЕЛТА ва ўстанове культуры.

Фестываль прадоўжыцца да лістапада 2023 года. За гэты час адбудуцца творчыя прэзентацыі раённых цэнтралізаваных клубных, бібліятэчных сістэм, дзіцячых школ мастацтваў, устаноў культуры клубнага тыпу. Яны будуць прадстаўлены ў форме свят творчасці, тэатралізаваных і тэматычных канцэртаў і выстаў.

Адкрые шэраг прэзентацый Бабруйскі раён: 14 красавіка адбудзецца канцэрт з удзелам лепшых калектываў мастацкай творчасці, індывідуальных выканаўцаў, майстроў народнай творчасці раёна. Таксама будзе арганізавана выстаўка страў нацыянальнай кухні. Пачатак мерапрыемства ў 17.30. Білеты можна набыць ва ўстанове культуры "Магілёўскі абласны метадычны цэнтр народнай творчасці і культурна-асветнай работы" па вул. Першамайскай, 10. Тэлефоны для даведак і браніравання білетаў: 8 (0222) 42-42-64, 8(029) 611-02-86.

версія для друку

зрабіць стартавай

дабавіць у выбранае