Год гістарычнай памяці
Больш за 2,3 млн чалавек прынялі ўдзел у рэспубліканскім суботніку
16 красавіка, Чэрвеньскі раён /Кар. БЕЛТА/. У рэспубліканскім суботніку, паводле даных на 12.00, прынялі ўдзел 2,345 млн чалавек. Аб гэтым паведаміў журналістам намеснік прэм'ер-міністра Ігар Петрышэнка, перадае карэспандэнт БЕЛТА.
"Паводле даных на 12.00, у рэспубліканскім суботніку прынялі ўдзел 2,345 млн чалавек. Сабрана каля Br10,6 млн. Усе гэтыя грошы будуць накіраваны на рэканструкцыю нашай святыні - мемарыяльнага комплексу "Хатынь", - сказаў Ігар Петрышэнка.
Паводле яго слоў, усе мерапрыемствы сённяшняга дня былі прысвечаны Году гістарычнай памяці. "Грамадзяне прымалі ўдзел у асноўным у навядзенні парадку ў мемарыяльных месцах. Гэта тое, што свята для кожнага беларуса. Важна, каб і маладое пакаленне шанавала памяць тых, хто паклаў свае галовы за незалежнасць нашай краіны", - падкрэсліў намеснік прэм'ер-міністра.
Вёску Папова Града нямецка-фашысцкія захопнікі спалілі ў маі 1944 года. "Да вызвалення Беларусі заставалася зусім мала часу. У асноўным тут загінулі дзеці, жанчыны і старыя, пакуль астатнія былі на палявых работах, - расказаў Ігар Петрышэнка. - Мемарыяльны комплекс, устаноўлены тут, уключаны ў турыстычны маршрут. Людзі прыязджаюць, каб пакланіцца тым, хто аддаў сваё жыццё. Мы павінны памятаць аб нашых каранях, нашых вытоках, а таксама аб тых людзях, якія былі нявінна забітыя за незалежнасць і свабоду нашай Радзімы, за наша добрае і камфортнае жыццё сёння".
Ігар Петрышэнка разам з кіраўніком урада і супрацоўнікамі апарату Саўміна працаваў у Чэрвеньскім раёне на тэрыторыі мемарыяльнага комплексу "Папова Града", дзе ў час вайны нямецка-фашысцкія захопнікі спалілі цэлую вёску. Раман Галоўчанка заклаў тут алею з клёнаў. Побач з кожным помнікам, які сімвалізуе спалены дом, прадстаўнікі Саўміна пасадзілі рабіны.
У Беларусі 16 красавіка праходзіць рэспубліканскі суботнік. Будуць добраўпарадкаваны і прыведзены ў парадак рабочыя месцы, аб'екты і тэрыторыі населеных пунктаў, гісторыка-культурныя каштоўнасці, мемарыяльныя комплексы, месцы баявой і воінскай славы часоў Вялікай Айчыннай вайны. Пры гэтым галоўны прынцып удзелу ў рэспубліканскім суботніку - добраахвотнасць.
версія для друку
зрабіць стартавай
дабавіць у выбранае