У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Прэс-цэнтр
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Прэс-цэнтр | Прамовы і інтэрв’ю

Прамовы і інтэрв’ю

4 Сак 2015

Жураўкоў: Беларусь мае сур'ёзныя намеры далучыцца да Балонскага працэсу

Жураўкоў: Беларусь мае сур'ёзныя намеры далучыцца да Балонскага працэсу

4 сакавіка, Мінск /Кар. БЕЛТА/. Беларусь мае сур'ёзныя намеры далучыцца да Балонскага працэсу. Аб гэтым заявіў сёння міністр адукацыі Міхаіл Жураўкоў на сустрэчы з дэлегацыяй экспертаў Савета Еўропы па адукацыі ў Рэспубліцы Беларусь, перадае карэспандэнт БЕЛТА.

"У намеры далучыцца да Балонскага працэсу мы сур'ёзна падышлі да распрацоўкі нарматыўна-прававой базы і цяпер можам з упэўненасцю сказаць, што ў краіне поўнасцю рэалізавана двухступеньчатая сістэма адукацыі, ёсць бакаўларыят (3-5 гадоў у залежнасці ад спецыяльнасці) і магістратура. Мы пачалі рэалізоўваць сістэму бесперапыннай адукацыі з улікам двухступеньчатасці вышэйшай адукацыі. На ўзроўні абароны дысертацый уведзена магчымасць атрымання PHD. Акрамя таго, абарона ўзроўню кандыдата навук, па жаданні прэтэндэнта, можа праводзіцца і на англійскай мове. Усе ВНУ ўвялі магчымасць навучання на англійскай мове", - расказаў Міхаіл Жураўкоў. Міжнародныя эксперты адзначаюць гатоўнасць Беларусі да ўступлення. "Безумоўна, у нас, як і ва ўсіх іншых краін, ёсць свае асаблівасці, але ў цэлым рэкамендацыі Балонскай канвенцыі выконваюцца. Адна з задач на будучае - актыўнае развіццё акадэмічнай мабільнасці, а таксама рэальнае садзейнічанне магчымасці прадастаўлення першага рабочага месца. Вядома, мы будзем удасканальваць працэсы ў мэтах развіцця і гэтых інструментаў", - падкрэсліў міністр.

У сваю чаргу кіраўнік дэпартамента адукацыі Савета Еўропы Шур Берган адзначыў: "Раней, калі толькі ствараўся Балонскі працэс, краіны па-рознаму арганізоўвалі ў сябе гэту дзейнасць. Беларусі і тым краінам, якія ўступаюць цяпер, ужо крыху прасцей - працэс падачы і афармлення дакументаў ужо зразумелы. Таму, не думаю, што дарожная карта для Беларусі будзе больш складанай, чым для іншых краін". Шур Берган выказаў меркаванне, што дарожная карта - гэта добрая ідэя, якая будзе абмяркоўвацца як з кіраўніцтвам Міністэрства адукацыі, так і з выкладчыцкай супольнасцю. "Гэта не новаўвядзенне для адной краіны, а звычайны рабочы працэс далучэння", - сказаў ён.

Кіраўнік дэпартамента адукацыі Савета Еўропы таксама адзначыў: "Сёння важны дзень - мы адчуваем, што Беларусь хоча далучыцца да Еўрапейскай прасторы вышэйшай адукацыі, і сустрэча з кіраўніцтвам Міністэрства адукацыі прадэманстравала вашу зацікаўленасць. Учарашнія сустрэчы паказалі, што ў ВНУ ёсць шмат кампетэнтных выкладчыкаў і студэнтаў. Мы тут для таго, каб даць рэкамендацыі па далейшым узаемадзеянні, у тым ліку па сістэме кваліфікацый, доступе студэнтаў да кіравання ўніверсітэтамі і кіравання якасцю адукацыі. Калі мы знаходзімся ў Мінску, значыць, мы сур'ёзна разглядаем заяўку Беларусі, інакш нас бы тут не было. Мы спадзяёмся, што міністры пачуюць нашы рэкамендацыі".

У Мінску праходзіць міжнародны інфармацыйны семінар "Імплементацыя Еўрапейскай прасторы вышэйшай адукацыі: праблемы і магчымасці". На семінары беларускія эксперты і іх калегі з краін Еўропы вывучаюць пытанні рэалізацыі інструментаў Еўрапейскай прасторы вышэйшай адукацыі ў нацыянальнай сістэме вышэйшай адукацыі. Праходзіць шэраг двухбаковых сустрэч з асноўнымі зацікаўленымі бакамі. 3 сакавіка ў БДУ экспертам быў прадстаўлены ўвесь вопыт работы сістэмы адукацыі Беларусі па ўзаемадзеянні з Еўрапейскай прасторай вышэйшай адукацыі.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс