У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Прэс-цэнтр
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Прэс-цэнтр | Прамовы і інтэрв’ю

Прамовы і інтэрв’ю

14 Лют 2017

Зась: Сістэма тэрытарыяльнай абароны разам з іншымі сілавымі структурамі дае магчымасць вырашаць шырокае кола задач

Зась: Сістэма тэрытарыяльнай абароны разам з іншымі сілавымі структурамі дае магчымасць вырашаць шырокае кола задач

14 лютага, Мінск /Кар. БЕЛТА/. Сістэма тэрытарыяльнай абароны разам з іншымі сілавымі структурамі дае магчымасць вырашаць шырокае кола задач. Аб гэтым заявіў сёння дзяржаўны сакратар Савета бяспекі Станіслаў Зась, адкрываючы ў Мінску збор па пытаннях ваеннай бяспекі з удзелам старшынь абласных (Мінскага гарадскога) выканаўчых камітэтаў, перадае карэспандэнт БЕЛТА.

Сістэма тэрытарыяльнай абароны ў Беларусі пачала стварацца больш як 15 гадоў таму. "Сённяшнія рэаліі паказваюць, што было прынята правільнае рашэнне, выбраны правільны напрамак. Гэты кампанент сумесна з іншымі структурамі дае магчымасць вырашаць шырокае кола задач", - адзначыў Станіслаў Зась. Сярод іх узмацненне аховы Дзяржаўнай граніцы, абарона аб'ектаў, якія маюць стратэгічна важнае значэнне.

Зборы з удзелам генерал-губернатараў праводзяцца па даручэнні кіраўніка дзяржавы. Яны даюць магчымасць літаральна на працягу некалькіх дзён азнаёміць удзельнікаў з асаблівасцямі сучаснай ваенна-палітычнай абстаноўкі, асвяжыць у памяці пытанні тэрытарыяльнай абароны.

Станіслаў Зась нагадаў, што на мінулых зборах Прэзідэнт звярнуў увагу на мэтазгоднасць сістэматычнага абучэння ў такой форме, неабходнасць правядзення збораў тэрытарыяльнай абароны ў рэгіёнах. Дзяржсакратар Савета бяспекі канстатаваў, што мясцовыя ўлады з зацікаўленасцю і адказнасцю падыходзяць да гэтых пытанняў.

Збор па пытаннях ваеннай бяспекі і абароны дзяржавы праходзіць 14-15 лютага. Сёння ў Мінску праходзяць тэарэтычныя заняткі, 15 лютага будзе на практыцы паказана арганізацыя правядзення вучэння з сіламі тэрытарыяльнай абароны адміністрацыйнага раёна

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс