У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Прэс-цэнтр
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Прэс-цэнтр | Прамовы і інтэрв’ю

Прамовы і інтэрв’ю

5 Чэр 2015

Забароўскі: У Беларусі створаны неабходныя ўмовы для рэалізацыі доўгатэрміновых інвестыцыйных праектаў

5 чэрвеня, Мінск /Юлія Огнева - БЕЛТА/. У Беларусі створаны неабходныя ўмовы для рэалізацыі доўгатэрміновых інвестыцыйных праектаў. Такое меркаванне выказаў 5 чэрвеня журналістам першы намеснік міністра эканомікі Аляксандр Забароўскі, перадае карэспандэнт БЕЛТА.

"Мы нядрэнна папрацавалі, усе неабходныя падрыхтоўчыя стадыі для запуску механізма дзяржаўна-прыватнага партнёрства (ДПП) зроблены. Сёння важна прадставіць пілотныя праекты міжнародным фінансавым арганізацыям, прыцягнуць фінансаванне, каб яны былі паспяховымі. Ужо ёсць цікавасць і ад інфраструктурных міжнародных фінансавых арганізацый, і ад бізнесу, што сведчыць аб тым, што ў Беларусі створаны ўмовы, каб рэалізоўваць доўгатэрміновыя інвестыцыйныя праекты", - адзначыў Аляксандр Забароўскі.

Паводле яго слоў, цяпер разглядаюцца сем пілотных праектаў ДПП на агульную суму, што перавышае $1 млрд. Самы вялікі з іх - рэканструкцыя аўтамабільнай дарогі М10: граніца Расійскай Федэрацыі (Селішча) - Гомель - Кобрын, км 109,9 - км 184,5. Таксама на аснове ДПП плануецца будаўніцтва Бешанковіцкай ГЭС на рацэ Заходняя Дзвіна Віцебскай вобласці і рэканструкцыя комплексу будынкаў УАЗ "Гарадская клінічная бальніца нумар 3" у Гродне пад "Гродзенскі абласны клінічны анкалагічны дыспансер". Акрамя таго, плануецца пабудаваць завод для спальвання смецця цеплавой магутнасцю да 1,2 МВт і электрычнай магутнасцю да 1,0 МВт у Бабруйску; магістральную вуліцу ў Гомелі працягласцю 41,35 км з улікам будаўніцтва моста цераз раку Сож і пяці пуцеправодаў; дзіцячыя дашкольныя ўстановы адукацыі ў рэгіёнах Мінскай вобласці; першую чаргу гісторыка-культурнага комплексу "Брэст" у межах знешніх абарончых валоў Брэсцкай крэпасці.

"Усе гэтыя праектныя прапановы павінны прайсці пэўныя этапы: падрыхтоўкі і тэхніка-эканамічнай ацэнкі, аб'яўлення конкурсу на прыцягненне прыватнага партнёра. Падрыхтоўка будзе ажыццёўлена на аснове лепшых сусветных практык. Мы тут не спяшаемся, таму што разумеем: у доўгатэрміновых капіталаёмкіх праектах важна дакладна падлічыць выгады і рызыкі, забяспечыць баланс інтарэсаў дзяржавы і бізнесу", - растлумачыў Аляксандр Забароўскі.

Ён канстатаваў, што ў бліжэйшы час па запрашэнні Сусветнага банка, Еўрапейскага банка рэканструкцыі і развіцця ў рамках агульнаеўрапейскай канферэнцыі ў Лондане будуць арганізаваны "Дні ДПП у Беларусі". "Мы зможам разам з міжнароднымі экспертамі абмеркаваць пілотныя праекты, выйсці на больш развітыя стадыі іх ацэнкі, падрыхтоўкі дакументацыі, прыцягнуць фінансаванне. І прадставіць наш інвестыцыйны патэнцыял у гэтай сферы", - сказаў першы намеснік міністра.

У Мінску 5 чэрвеня адбылося пасяджэнне міжведамаснага інфраструктурнага каардынацыйнага савета (МІКС), на якім разгледжаны пілотныя праекты ДПП у Беларусі. МІКС створаны ў маі 2014 года. Яго важнейшай задачай з'яўляецца распрацоўка прапаноў па стварэнні прававых, эканамічных і інфармацыйных умоў, што садзейнічаюць прыцягненню прыватнага капіталу, у тым ліку замежнага, да рэалізацыі праектаў па развіцці інфраструктуры на прынцыпах дзяржаўна-прыватнага партнёрства.

Дзяржаўна-прыватнае партнёрства - мадэль супрацоўніцтва дзяржавы і бізнесу, якая дае магчымасць рэалізоўваць важныя сацыяльныя праекты з дапамогай інавацый, капіталу і рэсурсаў прыватнага бізнесу, без перагрузкі бюджэту. Прыватны партнёр стварае і на працягу агаворанага кантрактам тэрміну (як правіла, 10-20 гадоў) абслугоўвае інфраструктурны аб'ект, за што атрымлівае з бюджэту фіксаваныя плацяжы. Пасля заканчэння тэрміну кантракта актыў пераходзіць ва ўласнасць дзяржавы (муніцыпалітэта).

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс