Прамовы і інтэрв’ю
"З беларускай зямлі не ідзе пагроза іншым краінам". БСЖ звярнуўся да жанчын свету
Фота з архiва
14 кастрычніка, Мінск /Кар. БЕЛТА/. Беларускі саюз жанчын падрыхтаваў зварот да жанчын свету. Аб гэтым БЕЛТА паведамілі ў БСЖ.
"Мы, беларускія жанчыны, звяртаемся да ўсіх жанчын свету. З трывогай і неразуменнем мы, жанчыны краіны, якая добраахвотна адмовілася ад ядзернай зброі, чытаем навіны аб нарошчванні сіл НАТА вакол граніц нашай міралюбівай Беларусі. Наша краіна ніколі не была і не будзе агрэсарам, з нашай зямлі не ідзе пагроза іншым краінам. Дык чаму так абыходзяцца з намі? Запалохванне замест гарантый бяспекі? Гібрыдныя войны і санкцыі замест звычайнай павагі нацыянальных інтарэсаў? І не трэба думаць, што сёння дзесьці ёсць бяспечныя месцы або краіны. Сучасны свет пераўзышоў сябе ў стварэнні сродкаў для знішчэння адзін аднаго. Кожны выкарыстаны патрон або снарад - гэта жыццё чыіхсьці дзяцей, гэта наш агульны матчын боль", - гаворыцца ў звароце.
БСЖ заклікае ўсіх жанчын, якія прымаюць важныя палітычныя рашэнні і выхоўваюць дзяцей, жаночыя і праваахоўныя арганізацыі аб'яднаць намаганні, каб спыніць усе ваенныя дзеянні. "Наш голас павінен быць пачуты, - адзначаецца ў звароце. - Свет стаіць за крок ад ядзернай катастрофы. І калі сёння ААН, яе міжнародныя камісіі і камітэты не бачаць або не хочуць бачыць тое, што адбываецца, не хочуць або не могуць прыняць меры для ўрэгулявання ваенных канфліктаў, моўчкі гледзячы на пастаўкі лятальнай зброі і супрацьпяхотных мін, на непрыкрытыя нацысцкія злачынствы супраць мірных грамадзян, то можа, мы, жанчыны ўсяго свету, будзем гаварыць аб гэтым на ўвесь голас. Можа, нас пачуюць? Можа, наша аднадушнасць падкажа правільнае рашэнне і дасць магчымасць спыніць войны? Калі не працуюць прынцыпы міжнароднага права, то можа яны ўстарэлі, або пара мяняць цэнтры прыняцця рашэнняў і ўплываў у свеце, спыніўшы эканамічны і палітычны шантаж і пагрозы?"
"Мы заклікаем усіх жанчын узвысіць свой голас, каб пазбегнуць гарачай трэцяй сусветнай вайны. Вайны, у якой не будзе пераможцаў", - дадалі члены БСЖ.
версія для друку
зрабіць стартавай
дабавіць у выбранае