Прамовы і інтэрв’ю

Хэйл аб рашэнні вярнуць паслоў: сёння гістарычны момант у амерыкана-беларускіх адносінах

17 верасня, Мінск /Уладзімір Мацвееў - БЕЛТА/. Намеснік дзяржаўнага сакратара ЗША па палітычных пытаннях Дэвід Хэйл заявіў, што рашэнне аб аднаўленні дыппрадстаўніцтва паміж Беларуссю і ЗША на ўзроўні паслоў з'яўляецца гістарычным момантам у амерыкана-беларускіх адносінах. Аб гэтым ён заявіў сёння пасля сустрэчы з Прэзідэнтам Беларусі Аляксандрам Лукашэнкам, перадае карэспандэнт БЕЛТА.

"Сёння гістарычны момант у амерыкана-беларускіх адносінах. Я рады прыняць удзел у аб'яўленні нашай гатоўнасці да абмену пасламі як наступнага кроку па нармалізацыі нашых адносін", - сказаў Дэвід Хэйл.

Ён адзначыў, што адбылася добрая і глыбокая размова не толькі па тэме двухбаковых адносін, але і шырокім спектры тэм агульнага сусветнага парадку дня. Дэвід Хэйл таксама падкрэсліў, што яму прыемна прысутнічаць у Мінску, каб абазначыць узаемныя намаганні па развіцці двухбаковых адносін у новым напрамку.

"ЗША застаюцца прыхільнікам падтрымкі суверэнітэту і незалежнасці Беларусі, дзе наступныя пакаленні будуць мець паспяховую будучыню", - дадаў намеснік дзяржаўнага сакратара ЗША.

версія для друку

зрабіць стартавай

дабавіць у выбранае