Прамовы і інтэрв’ю
Харстэд: Выбарчы працэс у Беларусі становіцца ўсё больш адкрытым
30 жніўня, Мінск /Кар. БЕЛТА/. Выбарчы працэс у Беларусі становіцца ўсё больш адкрытым. Аб гэтым сёння на сустрэчы з Прэзідэнтам Беларусі Аляксандрам Лукашэнкам заявіў спецыяльны каардынатар місіі кароткатэрміновых наглядальнікаў АБСЕ на выбарах у Палату прадстаўнікоў, намеснік старшыні ПА АБСЕ Кент Харстэд, перадае карэспандэнт БЕЛТА.
Прадстаўнік АБСЕ падзякаваў Прэзідэнту за магчымасць сустрэцца. "Вельмі важна абмяняцца думкамі на парозе такой важнай падзеі, - сказаў Кент Харстэд. - Я ўжо чацвёрты раз удзельнічаю ў якасці наглядальніка ў выбарчых кампаніях у Беларусі. Што хацелася б адзначыць - і я адлюстроўваў гэта ў дакладах - выбарчы працэс становіцца ўсё лепшым і больш адкрытым", - падкрэсліў Кент Харстэд.
Паводле слоў наглядальнікаў, цяперашняя выбарчая кампанія ў Беларусі праходзіць у спаборніцкім духу і вызначаецца большай колькасцю прэтэндэнтаў на месцы ў парламенце. Спецкаардынатар асабліва адзначыў высокі ўзровень супрацоўніцтва ЦВК і МЗС Беларусі з місіяй АБСЕ, звярнуўшы пры гэтым увагу, што запрашэнне міжнародных наглядальнікаў на выбары мае важнае значэнне, а ўлады краіны максімальна адкрытыя для супрацоўніцтва.
Кент Харстэд расказаў, што ўжо шмат разоў бываў у Беларусі, наведваў розныя рэгіёны краіны. "Беларусь - прыгожая краіна, і ў вас цудоўныя людзі", - падкрэсліў ён.
версія для друку
зрабіць стартавай
дабавіць у выбранае