Прамовы і інтэрв’ю

Выбар Трампа невыпадковы. Азараў пракаменціраваў запрашэнне Беларусі стаць заснавальнікам Савета міру

Мікалай Азараў. Скрыншот відэа

20 студзеня, Мінск /Кар. БЕЛТА/. Прэзідэнт Беларусі Аляксандр Лукашэнка карыстаецца даверам і павагай з боку Прэзідэнта ЗША Дональда Трампа, аб чым сведчыць запрашэнне Беларусі стаць заснавальнікам Савета міру. Такую думку ў праекце "У тэме" на YouTube-канале БЕЛТА выказаў прэм'ер-міністр Украіны (2010-2014) Мікалай Азараў.

"Трамп невыпадкова выбраў такіх кіраўнікоў дзяржаў, да якіх ён зведвае пэўны давер. Той факт, што выбар прыпаў і на Аляксандра Рыгоравіча, сведчыць аб тым, што ён у плане свайго прэстыжу карыстаецца павагай і даверам", - сказаў Мікалай Азараў.

Экс-прэм'ер Украіны звярнуў увагу, што Савет міру - гэта новая міжнародная арганізацыя, стварэнне якой з'яўляецца часткай мірнага плана па Газе. "Газа ж практычна разбурана. Я неяк глядзеў відэа, якое зрабіла Al Jazeera, і без болю на гэта глядзець было немагчыма. Таму аб'ём аднаўленчых работ будзе велізарны, - дадаў ён. - Там пражывае амаль 2 млн чалавек і ўсіх трэба забяспечыць жыллём, пэўнымі жыллёва-камунальнымі паслугамі, нейкай элементарнай інфраструктурай. Зразумела, трэба правесці размініраванне, вывезці абломкі".

Пры гэтым, падкрэсліў Мікалай Азараў, самае галоўнае - спыніць баявыя дзеянні ў сектары Газа.

Як паведамлялася раней, беларускі бок атрымаў асабісты зварот Дональда Трампа ў адрас Прэзідэнта Беларусі Аляксандра Лукашэнкі. У звароце Рэспубліцы Беларусь у кантэксце ўрэгулявання сітуацыі ў Газе прапануецца стаць заснавальнікам Савета міру - новай міжнароднай арганізацыі.

У сваю чаргу ў МЗС Беларусі падкрэслілі, што краіна гатова прыняць удзел у дзейнасці Савета міру з надзеяй, што гэта арганізацыя пашырыць свае рамкі і паўнамоцтвы далёка за межы прапанаванага ў ініцыятыве мандата. Гэта ў перспектыве можа паўплываць і на яе актыўны ўдзел у глабальных працэсах па ўрэгуляванні любых міжнародных канфліктаў.

версія для друку

зрабіць стартавай

дабавіць у выбранае