VI Усебеларускі народны сход
Афіцыйны сайт Рэспублікі Беларусь
Навіны
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Навіны | Прамовы і інтэрв’ю

Прамовы і інтэрв’ю

21 Врс 2017

Віцэ-прэм'ер Дзяржсавета КНР адзначае прагрэс у стварэнні "Вялікага каменя"

Віцэ-прэм'ер Дзяржсавета КНР адзначае прагрэс у стварэнні

21 верасня, Пекін /Кар. БЕЛТА/. Віцэ-прэм'ер Дзяржсавета КНР Чжан Гаалі адзначае прагрэс у будаўніцтве Кітайска-беларускага індустрыяльнага парка "Вялікі камень". Сваю ацэнку ён выказаў сёння ў час сустрэчы ў Пекіне з дэлегатамі форуму супрацоўніцтва СМІ "Адзін пояс і адзін шлях", перадае карэспандэнт БЕЛТА.

Ад Беларусі ў сустрэчы прынялі ўдзел генеральны дырэктар Беларускага тэлеграфнага агенцтва Дзмітрый Жук і галоўны рэдактар газеты "Рэспубліка" Васіль Мацвееў.

Паводле слоў Чжана Гаалі, з моманту прыняцця рашэння аб стварэнні індустрыяльнага парка праведзена ўжо значная работа, ствараецца неабходная інфраструктура, закладваюцца вытворчыя магутнасці. "Важна, што інтарэс да гэтага праекта праяўляюць і іншыя краіны", - дадаў ён.

Чжан Гаалі назваў паспяховымі вынікі Форуму супрацоўніцтва СМІ "Адзін пояс і адзін шлях", які прайшоў у кітайскім Дуньхуане, і адзначыў, што такія міжнародныя сустрэчы з'яўляюцца важным ключом да ўстанаўлення ўзаемаразумення і новых эфектыўных сувязей.

Удзельнікі форуму абмеркавалі ўплыў ініцыятывы старшыні КНР Сі Цзіньпіна "Адзін пояс і адзін шлях" на працэсы ў глабальнай эканоміцы, магчымасці шматбаковай кааперацыі ў сферы інфармацыі і тэхналогій, выклікі, з якімі сутыкаюцца традыцыйныя СМІ ў сувязі з бурным развіццём новых медыя. Міжнародная сустрэча, якая сабрала больш за 300 дэлегатаў з амаль 250 сродкаў масавай інфармацыі з розных краін, арганізавана ўплывовай кітайскай газетай "Жэньмінь Жыбаа".

Чжан Гаалі падкрэсліў, што Кітай у рамках ініцыятывы "Адзін пояс і адзін шлях" мае намер узмацняць супрацоўніцтва СМІ і мазгавых цэнтраў, паколькі гэта будзе садзейнічаць міжцывілізацыйнаму дыялогу.

Паводле яго слоў, Кітай мае намер прадоўжыць будаўніцтва адкрытай для свету эканомікі. "Мы разумеем, што ўплыў знешняга свету на кітайскую эканоміку неаспрэчны. У гэтым годзе КНР дэманструе агульную пазітыўную дынаміку росту. А за апошнія гады нам удалося зрабіць многае для вырашэння праблем у сферы карупцыі і экалогіі", - сказаў Чжан Гаалі.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
VI Усебеларускі народны сход