Прамовы і інтэрв’ю

Вальфовіч: Беларусь не раз заклікала заходніх суседзяў наладзіць дыялог, але адказу ад іх не паступала

7 жніўня, Мінск /Кар. БЕЛТА/. Беларусь не раз заклікала заходніх суседзяў наладзіць дыялог, але адказу ад іх не паступала. Аб гэтым пасля нарады ў Прэзідэнта Беларусі па пытаннях дзейнасці Камітэта дзяржаўнай бяспекі (КДБ) журналістам заявіў дзяржаўны сакратар Савета бяспекі Аляксандр Вальфовіч, перадае карэспандэнт БЕЛТА.

Аляксандр Вальфовіч звярнуў увагу, што КДБ эфектыўна выконвае задачы па нейтралізацыі выклікаў і пагроз нацбяспецы ва ўмовах няпростай абстаноўкі. Размова ідзе ў тым ліку аб агрэсіўнай рыторыцы з боку кіраўніцтва Польшчы і краін Балтыі. "У гэтых вельмі складаных умовах сёння рэалізуе задачы ў тым ліку Камітэт дзяржбяспекі і іншыя структуры сілавога блока", - падкрэсліў дзяржсакратар.

Ён адзначыў і балючую рэакцыю заходніх суседзяў Беларусі на вучэнні "Захад-2025". "Хоць зроблены ўсе крокі, каб не нерваваць суседзяў. Месцы правядзення вучэнняў адведзены ўглыб тэрыторыі. Тым не менш у адказ мы бачым зусім іншыя, недружалюбныя крокі", - канстатаваў Аляксандр Вальфовіч.

Пры гэтым, дадаў дзяржсакратар, Беларусь не раз заклікала да аднаўлення дружалюбнага і канструктыўнага дыялогу, напрыклад, па лініі органаў пагранічнай службы. "Мы бачым, што, на жаль, адказу і жадання аднавіць канструктыўны дыялог ад нашых суседзяў не паступае", - сказаў на заканчэнне Аляксандр Вольфавіч.

версія для друку

зрабіць стартавай

дабавіць у выбранае