29 верасня, Мінск /Кар. БЕЛТА/. Узаемадзеянне з калегамі з Дзярждумы дасць магчымасць прааналізаваць створаную заканадаўчую базу. Такое меркаванне выказала сёння журналістам старшыня Пастаяннай камісіі Палаты прадстаўнікоў Беларусі па бюджэце і фінансах Людміла Дабрыніна перад сустрэчай са старшынёй Камітэта Дзярждумы Расіі па фінансавым рынку Наталляй Бурыкінай, перадае карэспандэнт БЕЛТА.
"Такі абмен вопытам і ўзаемадзеянне дадуць магчымасць, перш за ўсё, прааналізаваць ужо створаную заканадаўчую базу на фінансавым рынку. Для нас вельмі важна такое ўзаемадзеянне, таму што мы становімся бліжэй у нашай рабоце", - сказала дэпутат. Яна падкрэсліла, што парламентарыі працуюць ва ўмовах інтэграцыі. У гэтым плане для беларускага боку вельмі важны вопыт работы па міжнародных стандартах бухгалтарскай справаздачнасці, які ёсць у Расіі.
"Гэта толькі першы візіт, але ён не апошні", - адзначыла Людміла Дабрыніна.
Сёння Наталля Бурыкіна ўжо сустрэлася з першым намеснікам старшыні праўлення Нацыянальнага банка Беларусі Тарасам Надольным. Плануюцца таксама наведванні банка "БелЗЭБ", ЗАТ "Атлант" і СААТ "Камунарка".
Пн | Аўт | Сер | Чцв | Пт | Сб | Нядз |
---|