Афіцыйны сайт Рэспублікі Беларусь
Навіны
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Навіны | Прамовы і інтэрв’ю

Прамовы і інтэрв’ю

24 Jul 2017

Украіна высока цэніць уклад Беларусі ва ўрэгуляванне сітуацыі на Данбасе

Украіна высока цэніць уклад Беларусі ва ўрэгуляванне сітуацыі на Данбасе

24 ліпеня, Мінск /Кар. БЕЛТА/. Украіна высока цэніць уклад Беларусі ва ўрэгуляванне сітуацыі на Данбасе. Аб гэтым заявіў Надзвычайны і Паўнамоцны Пасол Украіны ў Беларусі Ігар Кізім у інтэрв'ю праграме "Контуры" ў эфіры тэлеканала АНТ, каменціруючы вынікі візіту Прэзідэнта Беларусі Аляксандра Лукашэнкі ва Украіну, паведамляе БЕЛТА.

Пасол адзначыў, што ў час перагавораў кіраўнікоў дзяржаў дзвюх краін абмяркоўваліся пытанні палітычнага і эканамічнага ўзаемадзеяння, супрацоўніцтва ў гуманітарнай і культурнай сферах. "Таксама абмяркоўвалася сітуацыя на Данбасе. Галоўны ўпор быў зроблены на тое, каб захаваць дынаміку перагавораў у мінскім фармаце", - расказаў Ігар Кізім.

"Адзначаўся каштоўны ўклад беларускага боку ў арганізацыю гэтага працэсу з улікам таго, што гэта ўсё адбываецца на мінскай пляцоўцы, і мы вельмі цэнім гэта", - падкрэсліў пасол.

Паводле яго слоў, 24 ліпеня адбудзецца тэлефонная размова лідараў Украіны, Расіі, Германіі і Францыі, якія абмяркуюць сітуацыю на Данбасе.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі