Прамовы і інтэрв’ю

"У нас яшчэ цярпіма". Лукашэнка пра рост сусветных цэн на энергарэсурсы i беларускі падыход

Фота з архiва

3 красавіка, Мінск /Кар. БЕЛТА/. Прэзідэнт Беларусі Аляксандр Лукашэнка пракаменціраваў рост сусветных цэн на энергарэсурсы і расказаў пра беларускі падыход да гэтай тэмы, перадае карэспандэнт БЕЛТА.

"Вайна (на Блізкім Усходзе. - Заўвага БЕЛТА) пачалася - паліва пачало даражэць. У нас яшчэ цярпіма. Едуць усе запраўляцца да нас. Вось гэтыя ўсе "варожыя" дзяржавы. Я, вядома, іх ворагамі не лічу. Едуць у "дыктатуру" запраўляцца, - сказаў Прэзідэнт. - З Украіны, праўда, не едуць. Таму што там яны граніцу цалкам закрылі. Прыедуць - няхай запраўляюцца. Мы не супраць".

"Мы маем сёння больш выгадныя ўмовы. Тым не менш цэны рухаюцца. І гэта не ад нас залежыць. Мы ж вайну на Блізкім Усходзе не пачыналі і чвэрць прыроднага газу і нафтапрадуктаў мы там у Армузскім праліве не блакіравалі. Але свет узаемазалежны. Таму, купляючы па два-тры аўтамабілі на сям'ю, трэба памятаць, што бясплатнага бензіну няма".

Аляксандр Лукашэнка звярнуў увагу, што Беларусь большую частку нафты, з якой і вырабляюцца розныя віды паліва, імпартуе. "І ад гэтай цаны залежыць і тут (узровень цэн. - Заўвага БЕЛТА). Але пакуль цярпіма. Калі нават недзе цэны павысіліся, таксама кантралюем, мы на гэту капеечку спрабуем неяк падняць заработную плату. Я ведаю, што не багата жывём. Але жыць можна", - сказаў Прэзідэнт.

версія для друку

зрабіць стартавай

дабавіць у выбранае