Прамовы і інтэрв’ю
У Мінску зроблены сур'ёзны крок па ўрэгуляванні крызісу ва Украіне
6 мая, Мінск /Кар. БЕЛТА/. 6 мая ў Мінску зроблены сур'ёзны крок па ўрэгуляванні крызісу ва Украіне. Аб гэтым заявіў журналістам па выніках работы кантактнай групы прадстаўнік расійскага боку Азамат Кульмухаметаў, перадае карэспандэнт БЕЛТА.
"Можна сказаць, што 6 мая зроблены сур'ёзны крок у напрамку мірнага палітычнага ўрэгулявання крызісу. Пасля шэрага цяжкасцей удалося ў мэтах выканання і развіцця мінскіх пагадненняў выйсці на сустрэчу рабочых груп, вызначыцца з канкрэтнымі датамі пачатку іх работы і з тымі пытаннямі, якія трэба будзе абмеркаваць, - адзначыў Азамат Кульмухаметаў. - Гэта, зразумела, вельмі важная падзея, і галоўнае ў тым, што яна адбылася на аснове прамога дыялогу паміж прадстаўнікамі Кіева, а таксама Данбаса і Луганска. І тое, што дасягнута, дае сур'ёзныя падставы для далейшага руху па шляху мірнага ўрэгулявання"
Азамат Кульмухаметаў падзякаваў за праведзеную работу спецыяльнаму прадстаўніку АБСЕ Хайдзі Тальявініі, каардынатарам ад АБСЕ, якія ўдзельнічалі ў сустрэчы рабочых груп. Ён выказаў словы ўдзячнасці беларускаму боку за цёплы прыём удзельнікаў кантактнай групы. "Без гэтай гасціннасці нам было б цяжка працаваць і цяжка дасягнуць тых вынікаў, якіх мы дасягнулі", - сказаў ён.
Прадстаўнік расійскага боку выказаў меркаванне, што праведзеная ў Мінску сустрэча будзе садзейнічаць спыненню агню і вырашэнню далейшых пытанняў у плане бяспекі.
версія для друку
зрабіць стартавай
дабавіць у выбранае