Прамовы і інтэрв’ю
Цуй Цымін: Навукова-тэхнічнае супрацоўніцтва з Беларуссю мае асаблівае значэнне для Кітая
3 сакавіка, Мінск /Кар. БЕЛТА/. Навукова-тэхнічнае супрацоўніцтва з Беларуссю мае асаблівае значэнне для Кітая. Аб гэтым заявіў сёння Надзвычайны і Паўнамоцны Пасол Кітайскай Народнай Рэспублікі ў Рэспубліцы Беларусь Цуй Цымін у час навукова-практычнай канферэнцыі "25 гадоў дыпламатычных адносін паміж Рэспублікай Беларусь і Кітайскай Народнай Рэспублікай: вынікі і перспектывы навукова-тэхнічнага супрацоўніцтва", перадае карэспандэнт БЕЛТА.
"На працягу 25 гадоў супрацоўніцтва паміж нашымі краінамі развіваецца ва ўсіх галінах, у тым ліку ў сферы навукі і тэхнікі. Навукова-тэхнічнае супрацоўніцтва мае асаблівае значэнне для развіцця нашых адносін", - сказаў Цуй Цымін.
Ён адзначыў, што ўзровень двухбаковага стратэгічнага партнёрства Беларусі і Кітая істотна павысіўся. У якасці прыкладу Цуй Цымін прывёў будаўніцтва Эканамічнага пояса Шаўковага шляху і Кітайска-беларускі індустрыяльны парк "Вялікі камень".
Дыпламат выказаў удзячнасць прадстаўнікам навуковых і адукацыйных колаў за садзейнічанне ў развіцці кітайска-беларускага супрацоўніцтва. "Навукова-тэхнічнае супрацоўніцтва Беларусі і Кітая бесперапынна развіваецца. Вучоныя дзвюх краін дасягаюць вялікіх поспехаў у сферах навукі і тэхнікі. Спадзяюся, што яны прадоўжаць абменьвацца вопытам", - дадаў ён.
Беларусь і Кітай устанавілі дыпламатычныя адносіны 20 студзеня 1992 года.
версія для друку
зрабіць стартавай
дабавіць у выбранае