У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Прэс-цэнтр
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Прэс-цэнтр | Прамовы і інтэрв’ю

Прамовы і інтэрв’ю

22 Ліп 2015

Цапкала: Беларусь застаецца лідарам у экспарце IT-паслуг сярод краін СНД

Цапкала: Беларусь застаецца лідарам у экспарце IT-паслуг сярод краін СНД

22 ліпеня, Гомель /Юлія Лысенка - БЕЛТА/. Па выніках I паўгоддзя Беларусь значна апярэджвае краіны СНД па экспарце IТ-паслуг, заявіў у размове з карэспандэнтам БЕЛТА дырэктар адміністрацыі Парка высокіх тэхналогій (ПВТ) Валерый Цапкала, які 22 ліпеня прымаў удзел у цырымоніі адкрыцця новага офіса кампаніі IBA Gomel Park у Гомелі.

Штогод паказчыкі аб'ёму экспарту IТ-паслуг ПВТ растуць на 40-50 працэнтаў. "У 2014 годзе аб'ём экспарту склаў звыш $600 млн, у гэтым годзе, паводле папярэдніх ацэнак, плануем выйсці на $800 млн. Гэта тая лічба, якая дае магчымасць заставацца лідарам па аб'ёме экспарту сярод краін СНД, а таксама параўноўваць ПВТ з усімі вядучымі аўтамабілебудаўнічымі кампаніямі Беларусі. Прычым, уклад ПВТ ва ўнутраны валавы прадукт краіны вышэйшы, чым у такіх індустрыяльных гігантаў, як "Гомсельмаш", "МТЗ", "БелАЗ", "МАЗ", "Мінскі завод колавых цягачоў", "Амкадор". IT-сфера пастаянна дыверсіфікуецца, дэманструючы эфектыўнасць эканомікі ведаў. Перакананы, што новая індустрыя камп'ютарных праграм - гэта тое, з чым будуць асацыіраваць Беларусь у бліжэйшым будучым", - сказаў Валерый Цапкала.

Акрамя таго, Беларусь значна апярэджвае краіны МС і СНД і па такім паказчыку, як плацежны баланс. "У Расіі і Казахстана, напрыклад, адмоўны плацежны баланс па распрацоўцы праграмнага забеспячэння. А нам удалося стварыць развітую экспартаарыентаваную галіну, якая сапраўды расце тэмпамі, якія ў дзясяткі разоў перавышаюць сярэднесусветныя тэмпы росту гэтай індустрыі", - канстатаваў субяседнік.

Ён таксама адзначыў, што Беларусі неабходна сканцэнтраваць інтэлектуальныя, арганізацыйныя, фінансавыя і іншыя рэсурсы на нейкім адным прарыўным напрамку. "Калі распыляцца, спрабаваць займацца ўсім адразу (нана-, біятэхналогіямі, альтэрнатыўнымі крыніцамі энергіі), то можна быць моцнымі сярэднячкамі, але не стаць лідарам. У нас жа задача даволі амбіцыйная - у сферы распрацоўкі праграмнага забеспячэння стаць сусветным лідарам", - рэзюмаваў Валерый Цапкала.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс