Прамовы і інтэрв’ю

"Трамп пазнае рэальнасць". Дугін пра значэнне тэлефоннай размовы прэзідэнтаў Беларусі i ЗША

Фота з архiва

19 жніўня, Мінск /Кар. БЕЛТА/. Тэлефонная размова прэзідэнтаў Беларусі і ЗША - гэта сведчанне таго, што амерыканскі лідар сур'ёзна цікавіцца пазіцыяй Мінска. Такі пункт гледжання ў праекце "У тэме" на YouTube-канале БЕЛТА выказаў філосаф Аляксандр Дугін.

"Я думаю, што Трамп толькі цяпер пачынае па-сапраўднаму ўнікаць у праблемы міжнароднай палітыкі. Да гэтага былі перадвыбарныя лозунгі. А ў першы тэрмін ён проста асвойваўся на гэтым месцы і знаходзіўся пад вельмі моцным уплывам неакансерватараў, якія дыктавалі яго знешнюю палітыку. Потым яму трэба было разбірацца з судамі і проста выжыць", - сказаў Аляксандр Дугін.

Цяпер, лічыць філосаф, Дональд Трамп больш-менш асвоіўся на пасадзе прэзідэнта ЗША і пачаў прыглядацца да іншых ігракоў на міжнароднай арэне. "Што ён бачыць? Ён бачыць дзяржавы-цывілізацыі, такія як Кітай, Расія. І як, можа, яму ні хацелася б дамінавання над светам, ён бачыць, што з гэтымі сіламі трэба лічыцца", - падкрэсліў Аляксандр Дугін.

На яго думку, цяперашні амерыканскі лідар гаворыць з павагай з тымі дзяржавамі, якія ведаюць сабе цану і гатовы адстойваць свой суверэнітэт. У ліку такіх дзяржаў Аляксандр Дугін назваў і Беларусь. "Трамп зацікаўлены цяпер (я думаю, шчыра) у тым, каб спыніць вайну ва Украіне ці, прынамсі, выйсці з яе. І Трамп сур'ёзна цікавіцца - можа, упершыню без усялякіх прымхаў - пазіцыяй Мінска", - мяркуе філосаф.

Аляксандр Дугін лічыць, што Дональд Трамп хоча скласці ўласнае меркаванне пра Беларусь і яе кіраўніцтва, незалежнае ад прадузятага меркавання еўрапейскіх палітыкаў. "Трамп думае, як усё ў рэальнасці, і тэлефануе Лукашэнку, каб высветліць пазіцыі па адным ці іншым пытанні. І ў яго з'яўляюцца зусім іншыя ўяўленні, чым тыя, якія лжыва сфарміраваны заходняй глабалісцкай элітай. Трамп пазнае рэальнасць. І я думаю, што ў яго на многія рэчы адкрыюцца вочы", - адзначыў філосаф.

версія для друку

зрабіць стартавай

дабавіць у выбранае