10 чэрвеня, Мінск /Кар. БЕЛТА/. Свет вельмі высока ацэньвае арганізатарскую ролю Беларусі ва ўрэгуляванні канфлікту ва Украіне. Аб гэтым заявіў сёння журналістам Надзвычайны і Паўнамоцны Пасол Расіі ў Беларусі Аляксандр Сурыкаў, перадае карэспандэнт БЕЛТА.
"Арганізатарскую ролю ўвесь свет ацэньвае вельмі высока, таму што гэта самая зручная пляцоўка", - сказаў Аляксандр Сурыкаў.
"Гэта сур'ёзна ўзнімае аўтарытэт Беларусі на знешнепалітычным трэку", - падкрэсліў дыпламат.
Ён дадаў, што лічыць безумоўным поспехам той факт, што кантактная група змагла сфарміраваць 4 падгрупы, якія пачалі абмяркоўваць канкрэтныя тэмы, шляхі выхаду са становішча ў рэчышчы мінскіх дамоўленасцей.
Паводле слоў дыпламата, сустрэчы ў Мінску па ўкраінскім канфлікце, неабходна праводзіць і далей, нягледзячы на складанасці перагаворнага працэсу і парушэнні рэжыму спынення агню на паўднёвым усходзе Украіны, якія фіксаваліся апошнім часам. "Праводзіць абавязкова трэба. У любой сітуацыі трэба ўмець размаўляць. Нават калі зрываецца, то зноў трэба размаўляць. Гэта лепш, чым ваяваць", - адзначыў пасол.