Прамовы і інтэрв’ю

"Стварэнне ўстойлівай архітэктуры бяспекі". Рыжанкоў аб тым, чым адказваюць Беларусь i РФ на мілітарысцкую палітыку Захаду

Фота з архiва

25 лістапада, Масква /Эдуард Півавар - БЕЛТА/. Беларусь і Расія адказваюць на мілітарысцкую палітыку Захаду ўмацаваннем даверу і стварэннем устойлівай архітэктуры бяспекі. Аб гэтым заявіў міністр замежных спраў Беларусі Максім Рыжанкоў 25 лістапада ў Маскве на сумесным пасяджэнні калегій МЗС Беларусі і Расіі, перадае карэспандэнт БЕЛТА.

"Прэзідэнтамі Беларусі і Расіі створаны той самы каркас супрацоўніцтва, які дазваляе нам упэўнена дзейнічаць у любой сітуацыі. Пастаянны дыялог на вышэйшым узроўні дае магчымасць не толькі аператыўна вырашаць самыя складаныя пытанні, але і дэманструе асаблівы характар брацкіх адносін паміж Беларуссю і Расіяй. Яскравым прыкладам такой зладжанасці стала падпісанне ў мінулым годзе Дагавора аб гарантыях бяспекі", - сказаў Максім Рыжанкоў.

Паводле яго слоў, першачарговай задачай назначаных спецыяльных прадстаўнікоў па гэтым дагаворы з'яўляецца выпрацоўка механізмаў па рэалізацыі дакумента і ўзгадненне падыходаў да яго выканання. "У той час як Еўропа выбірае курс на мілітарызацыю, закрыццё граніц, палітыку санкцый, мы разам з расійскімі калегамі выбудоўваем прынцыпова новую мадэль - архітэктуру бяспекі, заснаваную на ўзаемным даверы і саюзніцкіх абавязацельствах", - падкрэсліў міністр.

"У гэтым кантэксце важна наша сумесная работа па ўмацаванні даверу і стварэнні ўстойлівай архітэктуры бяспекі на агульнай еўразійскай прасторы. Наша прынцыповая пазіцыя застаецца нязменнай. Бяспека павінна быць адзінай і непадзельнай для ўсіх", - заявіў кіраўнік МЗС Беларусі.

версія для друку

зрабіць стартавай

дабавіць у выбранае