Прамовы і інтэрв’ю
Спецпрадстаўнік Прэзідэнта Сербіі расказаў аб падрабязнасцях сустрэчы з Лукашэнкам
29 сакавіка, Мінск /Міхаіл Маціеўскі - БЕЛТА/. Спецпрадстаўнік Прэзідэнта Сербіі, намеснік старшыні ўрада - міністр унутраных спраў Сербіі Небайша Стэфанавіч пасля сустрэчы з Прэзідэнтам Беларусі Аляксандрам Лукашэнкам расказаў журналістам аб мэце сустрэчы з беларускім лідарам і падрабязнасцях праведзенай размовы, перадае карэспандэнт БЕЛТА.
"Я перадаў асабістае запрашэнне Прэзідэнта Вучыча Прэзідэнту Лукашэнку на працягу наступных некалькіх месяцаў наведаць Сербію. Для нас гэта будзе вельмі важны візіт. Мы будзем сустракаць Аляксандра Лукашэнку як самага дарагога госця, і нам хацелася б у час гэтага візіту закрануць як мага больш і эканамічных, і палітычных тэм", - сказаў Небайша Стэфанавіч.
Спецпрадстаўнік сербскага лідара падкрэсліў, што яго краіне важна развіваць эканамічнае ўзаемадзеянне з Беларуссю. Ён адзначыў, што ёсць шмат галін, у якіх краіны могуць пашырыць супрацоўніцтва, павялічыць тавараабарот і выйсці на трэція рынкі.
Небайша Стэфанавіч таксама праінфармаваў кіраўніка беларускай дзяржавы аб сітуацыі ў Сербіі, асобна ён закрануў апошнія падзеі ў Косаве. "Для Сербіі вельмі важна прадоўжыць блізкія і брацкія адносіны з Беларуссю і ў сувязі з гэтым поўнасцю і дакладна інфармаваць нашых партнёраў аб усім, што адбываецца ў нашай краіне", - растлумачыў міністр.
версія для друку
зрабіць стартавай
дабавіць у выбранае