Прамовы і інтэрв’ю

Снапкоў: лідары Беларусі i КНР у ходзе сустрэчы ўдзялілі ўвагу сітуацыі ў рэгіёне

29 чэрвеня, Пекін /Кар. БЕЛТА/. Прэзідэнт Беларусі Аляксандр Лукашэнка і Старшыня КНР Сі Цзіньпін у ходзе сустрэчы ў Пекіне ў ліку іншых пытанняў удзялілі ўвагу сітуацыі ў рэгіёне. Аб гэтым журналістам заявіў першы намеснік прэм'ер-міністра Мікалай Снапкоў, перадае карэспандэнт БЕЛТА.

"Усіх цікавіць, што адбываецца ў нас. Я мяркую, што і лідар Кітайскай Народнай Рэспублікі таварыш Сі Цзіньпін, і ў прынцыпе сусветныя лідары разумеюць глыбіню, мудрасць, веданне сітуацыі Прэзідэнтам нашай краіны. Нездарма мы пастаянна чуем аб тым, што да яго прыязджаюць пасланнікі, давераныя асобы, якія раяцца, кансультуюцца, удакладняюць", - адзначыў ён. Мікалай Снапкоў расказаў, што на гэтай сустрэчы ў тым ліку былі абмеркаваны пытанні рэгіянальнага парадку дня.

Як паведамлялася БЕЛТА, 29 чэрвеня ў Пекіне прайшла рабочая сустрэча Прэзідэнта Беларусі Аляксандра Лукашэнкі са Старшынёй КНР Сі Цзіньпінам. Лідары дзвюх краін далі высокую ацэнку ўзроўню супрацоўніцтва Мінска і Пекіна і абмеркавалі яго перспектывы.

версія для друку

зрабіць стартавай

дабавіць у выбранае