Прамовы і інтэрв’ю

Сіярта: цяпер самы час вярнуцца да разважлівасці ў выбудоўванні адносін з Беларуссю

10 верасня, Мінск /Кар. БЕЛТА/. Цяпер самы час вярнуцца да разважлівага і рацыянальнага падыходу ў выбудоўванні двухбаковых адносін з Беларуссю. Аб гэтым заявіў міністр замежных спраў і знешняга гандлю Венгрыі Петэр Сіярта ў Мінску на перагаворах з міністрам замежных спраў Беларусі Максімам Рыжанковым у пашыраным складзе, перадае карэспандэнт БЕЛТА.

Петэр Сіярта выказаў занепакоенасць наконт бяспекі ў рэгіёне: "Мы бачым, што рызыка ваеннай эскалацыі значна павялічылася апошнім часам". І таму неабходна вяртацца ў рэчышча перагавораў і супрацоўніцтва.

"Цяпер самы час вярнуцца да разважлівага і рацыянальнага падыходу ў выбудоўванні двухбаковых адносін, - сказаў ён. - Сам факт, што прадстаўнікі 17 венгерскіх кампаній прыляцелі са мной у Мінск, пацвярджае, што рацыянальны падыход усё ж такі існуе. Ёсць і неабходнасць, і зацікаўленасць у развіцці супрацоўніцтва на аснове разважлівасці".

Напрыклад, у ліку членаў дэлегацыі ёсць мэр, які прадстаўляе апазіцыйную партыю ў Венгрыі, ён у час знаходжання ў Беларусі падпіша пагадненне аб устанаўленні пабрацімскіх сувязей з адным з беларускіх гарадоў. Гэта, на думку Петэра Сіярта, дэманструе, што разважлівасць і рацыянальны падыход не маюць палітычнай афарбоўкі і не заўсёды звязаны з палітычнымі поглядамі.

Ён падкрэсліў, што беларускі і венгерскі бакі змаглі ўстанавіць добрыя адносіны не толькі на ўзроўні кіраўнікоў МЗС, але і на ўзроўні дзяржаў. Венгрыя, паводле яго слоў, гатова абмеркаваць меры для далейшага ўмацавання і развіцця двухбаковага супрацоўніцтва.

версія для друку

зрабіць стартавай

дабавіць у выбранае