Прамовы і інтэрв’ю
Сямашка: Асноўны ўклад у аднаўленне ВУП Беларусі дае прамысловасць
30 чэрвеня, Мінск /Кар. БЕЛТА/. Асноўны ўклад у аднаўленне ВУП Беларусі дае прамысловасць. Аб гэтым сёння заявіў намеснік прэм'ер-міністра Уладзімір Сямашка на сумесным пасяджэнні Палаты прадстаўнікоў і Савета Рэспублікі Нацыянальнага сходу Беларусі, перадае карэспандэнт БЕЛТА.
Віцэ-прэм'ер адзначыў, што прынятыя ў канцы 2015 - пачатку 2016 года меры па стабілізацыі макраэканамічнай сітуацыі даюць свае вынікі.
За пяць месяцаў бягучага года ВУП прырос да студзеня на 1,5 працэнта. "Асноўны ўклад у аднаўленне ВУП дае прамысловасць. Тэмп росту дасягнуў 98,1 працэнта па выніках пяці месяцаў. Да студзеня мы дабавілі 4,9 працэнтнага пункта", - адзначыў Уладзімір Сямашка.
Віцэ-прэм'ер звярнуў увагу, што беларуская прамысловасць штомесяц дэманструе больш высокія паказчыкі росту ў параўнанні з партнёрамі па ЕАЭС.
версія для друку
зрабіць стартавай
дабавіць у выбранае