У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Прэс-цэнтр
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Прэс-цэнтр | Прамовы і інтэрв’ю

Прамовы і інтэрв’ю

14 Сак 2016

Шчокін: Беларускі шлях справядлівай палітыкі прадвызначаны Канстытуцыяй

14 сакавіка, Мінск /Кар. БЕЛТА/. Беларускі шлях справядлівай палітыкі прадвызначаны Канстытуцыяй. Такое меркаванне выказаў карэспандэнту БЕЛТА кандыдат філасофскіх навук дацэнт Мікалай Шчокін.

"Пры вызначэнні стратэгіі развіцця краіны вельмі важна выбраць палітычны і сацыяльна-эканамічны курс з максімальным улікам нацыянальных інтарэсаў, гістарычных каштоўнасцей і культурных традыцый народа, - адзначыў субяседнік. - У Беларусі выбраны шлях справядлівай палітыкі - гэта дакладна прапісана ў Канстытуцыі, у ёй закладзены асновы стабільнасці, даверу насельніцтва да дзяржаўнай палітыкі, грамадзянскага кансэнсусу".

Ён нагадаў аб цяжкім гістарычным перыядзе, які папярэднічаў прыняццю Асноўнага Закона. "Пачатак 1990-х гадоў азнаменаваўся крытычным беспрацоўем, галапіруючай інфляцыяй, паўперызацыяй насельніцтва. Разбуральныя працэсы набылі катастрафічны маштаб (у той ці іншай ступені гэта было ўласціва ўсім постсавецкім рэспублікам). Пасля перамогі Аляксандра Лукашэнкі на прэзідэнцкіх выбарах 1994 года і прыняцця Канстытуцыі Рэспублікі Беларусь пачалося аднаўленне сацыяльна-маральнай сістэмы нашага грамадства, яго духоўнага і эканамічнага патэнцыялу", - сказаў Мікалай Шчокін.

Паводле яго слоў, беларускі палітычны шлях - гэта стварэнне дзяржавы для народа, незалежнасць рэспублікі і шматвектарная знешняя палітыка, а не экстрапаляцыя заходніх "ноу-хау". Беларускі эканамічны шлях - гэта ўдасканаленне эканомікі ў інтарэсах усяго грамадства, а не асобных яго груп, гэта інтэграцыя ў рамках Саюзнай дзяржавы, СНД, ЕАЭС. Беларускі сацыяльны шлях - гэта фарміраванне грамадскіх адносін на прынцыпах гуманізму, рэалізацыя комплексу сацыяльна-ахоўных функцый, стварэнне ўмоў для ўсебаковага развіцця асобы. Першараднае значэнне надаецца забеспячэнню фундаментальных правоў грамадзян: на працу і адпачынак, адукацыю і ахову здароўя, сацыяльнае забеспячэнне і сацыяльнае страхаванне, на дастойнае жыццё ў цэлым.

Архіў
Пн Аўт Сер Чцв Пт Сб Нядз
Конкурс перакладаў раней невядомага верша Максіма Багдановіча
Помнікі Вялікай Айчыннай вайны ў Беларусі
Партызанскі летапіс
Еўрапейскія гульні-2019 у Мінску