Прамовы і інтэрв’ю
Сергяенка: мы адкрытыя для суседзяў, бязвізам ужо скарысталіся больш за 1 млн еўрапейцаў
Фота з архiва
8 ліпеня, Мінск /Кар. БЕЛТА/. Бязвізам ужо скарысталіся 1,15 млн еўрапейцаў. Мы адкрытыя для суседзяў, а яны, на жаль, умацоўваюць граніцу, заявіў старшыня Палаты прадстаўнікоў Ігар Сергяенка ў час сустрэчы з працоўным калектывам ААТ "Нябанкаўская крэдытна-фінансавая арганізацыя "Белінкасгруп", перадае карэспандэнт БЕЛТА.
"Беларусь дэманструе ўсяму свету, у тым ліку нашым суседзям, адкрытасць. Бязвізавым рэжымам, уведзеным рашэннем кіраўніка дзяржавы, ужо скарысталіся больш як 1,15 млн чалавек з больш як 30 краін. З іх амаль палова - з тэрыторыі Літвы. Мы адкрыты. А нашы суседзі, на жаль, сёння ўмацоўваюць сваю граніцу, у тым ліку ў інжынерным плане, - сказаў Ігар Сергяенка. - Мы выдатна бачым, што сёння адбываецца вакол нашых меж і ў нашых бліжэйшых суседзяў - Польшчы, Літве, Латвіі, Украіне. Ідзе нарошчванне баявога кампанента, адбываецца ўдасканаленне баявой падрыхтоўкі і вывучкі, праводзяцца вучэнні, узмацняецца патэнцыял войскаў, больш сродкаў выдзяляецца на абарону і мадэрнізацыю ўзброеных сіл. Вядома, гэта ў сваю чаргу і нас прымушае больш увагі ўдзяляць пытанням павышэння боегатоўнасці, у цэлым пытанням абараназдольнасці. Гэтыя пытанні таксама сёння былі ў полі зроку".
Ігар Сергяенка. Фота прадастаўлена прэс-службай Палаты прадстаўнікоў
"Белінкасгруп" - інавацыйная кампанія ў галіне наяўнага грашовага абарачэння, у аснове якой ляжаць перадавыя тэхналогіі і сусветны вопыт абслугоўвання юрыдычных асоб і фінансавых інстытутаў. "Сёння я сустрэўся з калектывам "Белінкасгруп", паглядзеў матэрыяльна-тэхнічную базу. Нам далажылі, як арганізавана работа непасрэдна ў Мінску і ў рэгіёнах нашай краіны. Адпаведным указам Прэзідэнта была створана адзіная структура, якая займаецца функцыяй інкасацыі, працуе з банкамі, прадпрыемствамі, гандлёвымі арганізацыямі. Тры банкі з'яўляюцца заснавальнікамі арганізацыі. У гэтай структуры працуе больш за 3 тыс. чалавек, - адзначыў спікер. - Важна, што на працягу шэрага гадоў не было ніякіх надзвычайных сітуацый, звязаных з рызыкай для жыцця, для навакольных, для работнікаў тых жа банкаўскіх і гандлёвых арганізацый. Сёння я ўбачыў, як арганізаваны кантроль непасрэдна з цэнтра за перамяшчэннем кожнай машыны, зборам, дастаўкай і захоўваннем сродкаў. Мы ўбачылі экіпіроўку, узбраенне, якое сёння выкарыстоўваецца супрацоўнікамі. Тут спалучаецца і вопыт тых людзей, якія прайшлі службу ва Узброеных Сілах, падраздзяленнях МУС, і прыходзяць маладыя хлопцы, якія пасля службы ў арміі становяцца таксама прафесіяналамі. Звяртае на сябе ўвагу, што працуе шмат жанчын, прытым не толькі касірамі, але і, скажам так, на баявой рабоце. Арганізацыя ўнікальная, адзіная такая".
Паводле яго слоў, з калектывам адбыўся жывы дыялог. "Людзей цікавілі такія тэмы, як работа Палаты прадстаўнікоў, якія заканадаўчыя акты мы прымаем, што ў перспектыве. Даволі жывая цікавасць. Я пастараўся максімальна адказаць на тыя пытанні, якія людзі ставілі перада мной", - падкрэсліў Ігар Сергяенка.
версія для друку
зрабіць стартавай
дабавіць у выбранае