Прамовы і інтэрв’ю

27 студзеня, Мінск /Аліна Грышкевіч - БЕЛТА/. Сербія разлічвае на істотнае нарошчванне тавараабароту з Беларуссю. Аб гэтым заявіў старшыня ўрада Сербіі Аляксандр Вучыч сёння на сустрэчы з Прэзідэнтам Беларусі Аляксандрам Лукашэнкам, перадае карэспандэнт БЕЛТА.

Аляксандр Вучыч падзякаваў беларускаму боку за вялікую падтрымку ў захаванні цэласнасці і суверэнітэту Сербіі. Ён выказаў меркаванне, што неабходна зрабіць усё магчымае для павелічэння беларуска-сербскага супрацоўніцтва ў палітыцы, эканоміцы. Асабліва важным з'яўляецца пытанне нарошчвання тавараабароту. Старшыня ўрада Сербіі ўпэўнены, што Беларусь і Сербія сумеснымі намаганнямі змогуць нарасціць тавараабарот. У ходзе яго візіту ў Мінск гэтыя пытанні актыўна абмяркоўваюцца, і ёсць канкрэтныя дамоўленасці.