Прамовы і інтэрв’ю

Сі Цзіньпін: паміж Беларуссю i Кітаем умацоўваецца традыцыйная дружба i ўзаемадавер

4 чэрвеня, Пекін /Кар. БЕЛТА/. Паміж Беларуссю і Кітаем умацоўваецца традыцыйная дружба і палітычны ўзаемадавер. Аб гэтым заявіў Старшыня КНР Сі Цзіньпін на сустрэчы з Прэзідэнтам Беларусі Аляксандрам Лукашэнкам, перадае карэспандэнт БЕЛТА.

"Паміж нашымі краінамі ўсё мацнее традыцыйная дружба. А таксама ўмацоўваецца непарушны палітычны ўзаемадавер, пашыраецца супрацоўніцтва практычна ва ўсіх сферах, - сказаў кітайскі лідар. - Мы захоўваем цесныя кантакты і каардынацыю ў міжнародных справах - гэта і ў рамках ШАС, і ў рамках ААН. Як і вы, як і наша краіна, ніколі не падпарадкоўваемся якому-небудзь міжнароднаму гегеманізму, палітыцы цкавання. Разам мы абараняем міжнародную справядлівасць і роўнасць".

Старшыня КНР з цеплынёй прывітаў Прэзідэнта Беларусі, падкрэсліўшы даўнюю асабістую дружбу.

"Хачу яшчэ раз вас павіншаваць з перавыбраннем Прэзідэнтам Беларусі. Гэта ў поўнай меры сведчыць аб падтрымцы і даверы народа Беларусі ў ваш адрас. Упэўнены, што пад вашым кіраўніцтвам ваша краіна абавязкова дасягне яшчэ больш яркіх новых поспехаў у дзяржаўным будаўніцтве", - сказаў Сі Цзіньпін.

версія для друку

зрабіць стартавай

дабавіць у выбранае