Прамовы і інтэрв’ю

Рыжанкоў заклікаў ЕС апамятацца i ўспомніць пра стабільную Беларусь

Фота з архiва

9 сакавіка, Мінск /Кар. БЕЛТА/. Беларусь за гады санкцый забяспечыла сваю тэхналагічную бяспеку, а Еўрапейскі саюз змяніў адну залежнасць на другую. Аб гэтым міністр замежных спраў Максім Рыжанкоў заявіў у эфіры тэлеканала "Беларусь 1", паведамляе БЕЛТА.

Палітыку Еўрапейскага саюза Максім Рыжанкоў назваў самаізаляцыяй і прапанаваў паглядзець, што адбываецца вакол Еўропы.

"Калі паглядзець на граніцы Еўрапейскага саюза, то мала дзе - нейкі кавалачак гэтай граніцы - няма баявых дзеянняў або дзе наогул ёсць нейкія стабільныя краіны, праз якія краіны Еўрапейскага саюза могуць узаемадзейнічаць з усім астатнім светам, - звярнуў увагу дыпламат. - Сёння Блізкі Усход успыхнуў. І нават гэта магчымасць у іх страчана па дастаўцы грузаў, тавараў, людзей, той жа нафты. І мы бачым, якія катастрафічныя наступствы для Еўрапейскага саюза. Самы час ім апамятацца і ўспомніць, што тут ёсць стабільная дзяржава - Беларусь. Ёсць вось гэты кавалак граніцы, праз які далей на Расію і да Кітая, да Паўднёва-Усходняй Азіі".

Пакуль жа народы краін ЕС з'яўляюцца заложнікамі сваіх недальнабачных палітыкаў. Разам з тым з шэрагам еўрапейскіх дзяржаў у Беларусі складваюцца добрыя адносіны. Напрыклад, з Венгрыяй і Славакіяй. "Таму што лідары гэтых краін за свае народы, а не за транснацыянальныя карпарацыі. І не гуляюцца ў палітыку, як дзеці гуляюць у камп'ютарах", - заявіў кіраўнік МЗС.

версія для друку

зрабіць стартавай

дабавіць у выбранае