Прамовы і інтэрв’ю

Рыжанкоў назваў БРІКС важнай кропкай апоры для Беларусі

Фота з архiва

29 студзеня, Мінск /Кар. БЕЛТА/. БРІКС - важная кропка апоры для Беларусі пры рэалізацыі гандлёва-эканамічных інтарэсаў. Аб гэтым міністр замежных спраў Беларусі Максім Рыжанкоў заявіў у інтэрв'ю выданню "Известия", паведамляе БЕЛТА.

"Гэта важная кропка апоры ў планах рэалізацыі гандлёва-эканамічных інтарэсаў. Напрыклад, зусім нядаўна ў нас адбыліся перагаворы з банкам, створаным у БРІКС па рэалізацыі інвестпраектаў. І мы вельмі спадзяёмся на рэалізацыю праектаў у Беларусі або з удзелам Беларусі за мяжой за кошт гэтага банка", - расказаў Максім Рыжанкоў.

Ён адзначыў, што статус партнёра дае магчымасць Беларусі дзейнічаць ва ўсіх вымярэннях дзейнасці БРІКС. "Перш за ўсё, для нас гэта добрая пляцоўка для выпрацоўкі пазіцый сумесна з ключавымі палітычнымі партнёрамі па асноўных пунктах міжнароднага парадку дня. Таксама гэта добрая магчымасць заўсёды мець кантакт з нашымі партнёрамі на вышэйшым узроўні для развіцця двухбаковых адносін", - звярнуў увагу міністр.

"Калі мы ў гэтай арганізацыі, значыць, мы ўсе падзяляем ідэі шматпалярнасці БРІКС, падзяляем ідэі ўліку інтарэсаў і пабудовы свету на аснове ўзаемадаверу і павагі ўсіх бакоў. Мы разам выступаем па такіх міжнародных пытаннях, дзе голас Беларусі, можа, і не быў бачны, але ў такой арганізацыі ён бачны. Ну і гэта дае магчымасць нам падцягвацца да ўзроўню такіх дзяржаў, як Кітай, Індыя, Бразілія, Расія", - дадаў кіраўнік МЗС.

версія для друку

зрабіць стартавай

дабавіць у выбранае