Прамовы і інтэрв’ю

Рыжанкоў: кожная з дзяржаў Еўразіі можа дабавіць нешта цікавае ў агульны кацёл

29 кастрычніка, Мінск /Кар. БЕЛТА/. Кожная з дзяржаў Еўразіі можа дабавіць нешта цікавае ў агульны кацёл. Аб гэтым міністр замежных спраў Беларусі Максім Рыжанкоў заявіў, падводзячы вынікі Мінскай міжнароднай канферэнцыі па еўразійскай бяспецы, перадае карэспандэнт БЕЛТА.

"Хто б што ні думаў, агульная Еўразія - наша прастора. Яна будзе толькі больш магутнай і больш паспяховай, калі будзе спалучаць усю Еўразію - ад Лісабона да Джакарты. А не такая Еўразія, як сёння", - сказаў кіраўнік МЗС.

Ён канстатаваў, што пакуль палітыка санкцый і націску з боку Еўрасаюза, і не толькі ў адносінах да Беларусі, прыводзіць фактычна да самаізаляцыі самога ЕС. У той час як іншыя краіны кантынента актыўна нарошчваюць супрацоўніцтва.

"Кожная з нашых дзяржаў можа дабавіць нешта вельмі цікавае ў агульны кацёл, - падкрэсліў Максім Рыжанкоў. - Гэта наша агульная зямля, наш агульны рэгіён. Паспяховасць залежыць ад удзелу ўсіх ігракоў".

Паводле яго слоў, такі ўклад можа быць у рознай форме - рэсурсы, лагістычныя магчымасці, выхад да мора або нават уменне дасягаць міжнацыянальнай і міжканфесійнай згоды.

"Упэўнены, рана ці позна Еўропа таксама задумаецца аб гэтым. Там таксама прачынаюцца такія думкі. Яны таксама не хочуць жыць у гэтай ізаляцыі. Таму што на самай справе, як аказваецца, не такая вялікая гэта прастора - Еўрапейскі саюз, - упэўнены міністр. - Калі не ўся планета, то хаця б Еўразія - гэта наш агульны дом, і мы павінны разам змагацца за тое, каб ён быў не кантынентам раздзелу і розных тэорый, якія супярэчаць адна адной і не дазваляюць сумесна вырашаць пытанні, якія нельга вырашыць аднаму. Любое пытанне магчыма да вырашэння толькі шляхам дыялогу, уліку інтарэсаў адзін аднаго".

Гаворачы аб Мінскай канферэнцыі, кіраўнік МЗС падкрэсліў, што яе закрыць немагчыма, таму што гэта мерапрыемства не проста нейкая афіцыйная падзея, а супольнасць людзей, аб'яднаных адной мэтай. "Тут сабраліся неабыякавыя да таго, што адбываецца сёння, адкуль бы яны ні прыехалі. Абмяняўшыся тут ідэямі і пранікнуўшыся філасофіяй адзін аднаго, раз'ехаўшыся па сваіх краінах, і далей будуць прадаўжаць гэту канферэнцыю са сваімі калегамі, апанентамі, выпрацоўваючы думкі. Галоўная задача - зрабіць так, каб свет быў больш спакойны, больш стабільны, больш бяспечны", - сказаў Максім Рыжанкоў.

версія для друку

зрабіць стартавай

дабавіць у выбранае