У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Прэс-цэнтр
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Прэс-цэнтр | Прамовы і інтэрв’ю

Прамовы і інтэрв’ю

7 Сак 2018

Руды: 2018 год павінен стаць прарыўным у пастаўках беларускай харчовай прадукцыі на рынак Кітая

Руды: 2018 год павінен стаць прарыўным у пастаўках беларускай харчовай прадукцыі на рынак Кітая

7 сакавіка, Мінск /Юлія Дылянок - БЕЛТА/. Бягучы год павінен стаць прарыўным у пастаўках беларускай харчовай прадукцыі на кітайскі рынак. Аб гэтым заявіў 6 сакавіка журналістам Надзвычайны і Паўнамоцны Пасол Беларусі ў Кітаі Кірыл Руды пасля прэзентацыі сваёй кнігі "Потому что так решили мы: поведенческая экономика Беларуси и ее раскодирование", перадае карэспандэнт БЕЛТА.

"Фальстарту пакуль няма, але мы блізкія да таго, каб "сарвацца" па харчовай прадукцыі, каб яна пайшла на кітайскі рынак. Падпісаны кантракты, цяпер трэба вельмі дакладна іх выканаць. Гэта вялікая адказнасць", - сказаў Кірыл Руды.

Ён нагадаў, што ў канцы года былі падпісаны кантракты на пастаўку ў Кітай беларускай малочнай і мясной прадукцыі на $114 млн. "У 2017 годзе былі пастаўкі на $15 млн, у 2016-м - на $5 млн. Калі мы рэалізуем прадукцыі на $114 млн, гэта будзе прарыў", - упэўнены пасол.

Таксама Кірыл Руды расказаў, што пачаліся пастаўкі ў Кітай прадукцыі дрэваапрацоўчай прамысловасці, вырабленай вядомымі брэндамі ў Беларусі. "Гэта добры прыклад для нашага "Беллеспаперапрама" нарошчваць пастаўкі на гэты рынак", - лічыць ён.

Акрамя таго, паводле слоў Кірыла Рудога, актыўна вядзецца работа па пошуку інвестараў у Кітайска-беларускі індустрыяльны парк "Вялікі камень".

6 сакавіка ў Мінску адбылася прэзентацыя кнігі Кірыла Рудога "Потому что так решили мы: поведенческая экономика Беларуси и ее раскодирование". Кніга з'яўляецца працягам калектыўнай манаграфіі "Финансовая диета: реформы государственных финансов Беларуси", якая была апублікавана ў 2016 годзе.

Кніга выдадзена РВУ "Выдавецкі дом "Звязда" пры фінансавай падтрымцы Арганізацыі Аб'яднаных Нацый у Беларусі ў партнёрстве з пасольствам Вялікабрытаніі ў Беларусі і Беларускім народным банкам.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс